fbpx

information Asymmetry – The Market for Lemons- سوق الليمون

كيف تتميز في سوق الليمون ؟

لما بنحاول نشتري أي حاجة، بنفضّل دائما يكون عندنا المعلومات الكاملة عن المنتج اللي هنشتريه عشان نقدر نتخذ قرار الشراء بشكل عقلاني و سليم.
و لكن في بعض الأسواق بيحصل  اختلال و عدم اتزان في المعلومات عن المنتج بين البائع و المشتري، بمعنى إن البائع بيكون عنده معلومات أكثر بكثير من المشتري و مش معلن عن كل المعلومات بشكل واضح، هنا بيحصل اختلال في السوق ككل و ممكن يؤدي لإنهياره.


مثال لسوق السيارات المستعملة :
كل سيارة مستعملة ليها متوسط سعر معين معروف للبائع و المشتري، هنفترض مثلا إن متوسط سعر عربية معينة من 120 ألف ل 150 ألف.
الحد الأدنى بيكون للسيارة اللي حالتها سيئة (يطلق عليها في أمريكا مصطلح ليمون lemon Car) و الأعلى بيكون للحالة الممتازة ( peach or plum car )

في حالة السيارات المستعملة مش بتتوفر حالة تناسق المعلومات بمعنى إن البائع دائما عنده معلومات أكثر من المشتري و مش دائما بيعلن عن كل تفاصيل السيارة عند بيعها.
و لذلك المشتري هيحاول دائما يدفع الحد الأدنى للسيارة لأنه هيفضل متشكك في حالة السيارة لعدم قدرته على معرفة الحقيقة الكاملة.

وبالتالي أصحاب السيارات الممتازة فعلا لن يجدوا مشتري بسهولة لرفضهم النزول للحد الأدنى و سيخرجوا من السوق تدريجيا.
أكثر المعروض و المبيعات هتكون للسيارات الرديئة (Lemons )  لقبول أصحابها بالحد الأدنى و سعادة المشتري بدفع السعر الأقل و سيتحول السوق بالكامل لسوق للسيارات الرديئة فقط و هيتحول السوق لسوق ليمون فقط Market for Lemons


الوصف ده The Market For Lemons  تم إطلاقه في ورقة بحثية بنفس الإسم عام 1970 للإقتصادي الشهير جورج ايكرلوف George Akerlof الذي حصل على جائزة نوبل في الإقتصاد عام 2001 .

و شرح نفس المثال السابق و إن بسبب ال Information Asymmetry  (عدم تناسق المعلومات بين البائع والمشتري) ممكن يتحول السوق ل Market for lemons  اللي فيه بتنتشر المنتجات الرديئة و تختفي المنتجات الأعلى جودة و بالتالي بيتدمر السوق تدريجيا.

information Asymmetry

نفس المفهوم السابق بيحصل في أسواق الأسهم، و خصوصا عند حدوث أزمات، المستثمرين بيتعاملوا مع جميع الأسهم إنها lemons   بسبب الأزمة، مما يؤدي إلى تفاقم المشكلة.

مثال تاني معكوس في شركات التأمين الصحي لإن المشتري هنا هو اللي بيكون عنده معلومات أكثر من البائع(شركة التأمين ) و بالتالي شركة التأمين بتضع أقساط تأمينية عالية تجذب العملاء الأكثر عرضة للأمراض و المخاطر و تزيد خطر انهيار السوق.


نفس النظرية تقدر تطبقها على العديد من المنتجات الصينية المنشأ، السيارات الجديدة الصينية كمثال:

لوخلاص انت قررت تشتري عربية صيني فبتحاول تدوّرعلى أقل سعر ممكن لإنها صيني و بالتالي التوكيل لو أحضر عربية صيني بمواصفات جيدة بس سعرها أعلى شوية محدش هيشتريها فبيضطر يجيب أنواع أقل عشان سعرها يبقى أقل و تبيع و ده اللي بيحصل و يتحول السوق ل Market For Lemons  كل منتجاته رديئة و السيارات الصينية الأعلى جودة تختفي تدريجيا.

للأسف ده كمان بنشوفه في سوق الأدوية و الأكثر في المكملات الغذائية و التجميل نظرا لأن المريض و أحيانا الطبيب أو الصيدلي لا يستطيع التفرقة بشكل واضح و مؤكد بين جودة المنتجات فبيبحث دائما عن أقل سعر و تنتعش مبيعات المنتجات الأقل سعرا و الأقل جودة، مما يضطر المنتجات لأكثر جودة و سعرا  للإختفاء تدريجيا.


و أخيرا مثال واضح جدا لسوق الليمون، في شركات التسويق الإلكتروني ، لإن المشتري غالبا لا تتوفر عنده معلومات كاملة عن التسويق الإلكتروني الإحترافي و متطلباته و إنه مش مجرد صورة و بوست و إعلان، فبيدوّر على أقل سعر يديله “شكل مناسب” دون التركيز على المضمون و على التأثير على صورة ال Brand  لدى العملاء ، مما أدى لإنتشار شركات كثيرة جدا دون المستوى بالحد الأدنى للأسعار و الشركات الأعلى جودة بتختفي تدريجيا لصعوبة المنافسة السعرية أو بتلجأ لتقليل الجودة.


 و طبعا  مش محتاج أوضح ان  لكل قاعدة استثناءات مثلا في الأمثلة اللي أنا قولتها فيه Exceptions  كثير يعني أكيد فيه أدوية كثير سعرها أقل و جودتها متميزة و فعلا كان في مصلحة المريض مثلا، و في التسويق الإلكتروني في شركات قليلة قادرة تقدم سعر قليل و جودة عالية و ظهورها كان في مصلحة العميل و المنافسة ككل.

حتى الظاهرة الأصلية ليها شروط و ليها محددات و مش قاعدة ثابتة على كل الأسواق، و لكن في النهاية هي ظاهرة تستحق الدراسة والتأمل و خصوصا من المسئولين و أصحاب القرارات لإن البحث ده بيؤكد الدور المهم جدا لهيئات حقوق المستهلك و الرقابة على الأسواق ووضع قوانين إلزامية لإجبار البائعيين على الشفافية التامة و توافر المعلومات و عقاب الممتنعين لمصلحة السوق ككل.
و طبعا بتحث مقدمي القيمة الأعلى في أسواق الليمون على ضرورة بذل مجهود مضاعف لتأكيد تميزهم و اختلافهم عن الليمون الأقل سعرا في السوق.

الinformation Asymmetry  هو أحد تطبيقات الإقتصاد السلوكي – Behavioral Economics
و لو مهتم تشوف تطبيقات تانية اقرأ هذ المقال عن  التحيز لتجنب الخسارة Loss Aversion Bias

Marketing Courses

Leave a Reply

Your email address will not be published.

two − one =

유료 vpn 추천