fbpx

360 marketing campaigns مثال يوضح معنى – pharmaceutical case


?
لفت انتباهي من يومين إعلان Outdoor حلو على الدائري، كان معمول فيه 3D بسيط كدة بس ساعد جدا على لفت الانتباه.
Photo from insiteooh.com
?كنت عايز أصوره لإنه لفت نظري في اتجاه الذهاب و في العودة بس ما عرفتش عشان كنت سايق.
خلال المرتين دول عرفت طبعا انه منتج فيتامين سي، بس في خلال المرتين ملحقتش اقرأ اسم المنتج كويس و لا أعرف الشركة المنتجة و كنت زعلان ان اعلان جميل كدة كان ناقصه حاجات بسيطة من وجهة نظري انه يكتب اسم الشركة أو اسم الدواء بالعربي أو بخط كبير شوية عشان المستهلك يفتكره، و خصوصا إن الإعلان موجه للمريض أو الشخص العادي مش للدكتور أو الصيدلي و الاسم صعب و مالوش علاقة بفيتامين سي.
? كنت نسيت الموضوع خلاص، و لكن النهاردة بقى – و بدون ما أحاول أدوّر على الدواء أو أعمل بحث من أي نوع- لقيت الإعلان ده طالعلي و أنا على الانترنت، و قرأت الإسم براحتي Redoxon و عرفت انه شركة باير Bayer
?بصراحة أنا بأتبسط قوي من الحاجات دي، ال Remarketing و ال Retargeting شئ أساسي في قنوات الديجيتال ماركتنج و بيتعمل بسهولة نسبيا، لكن لما بيتعمل بين قنوات ال Offline و ال Online بيكون أصعب شوية و تأثيره أقوى، و بصراحة مش متعودين على الشغل ده من شركات الأدوية ما عدا البانادول و التلفاست شغلهم حلو برضه.
?الفكرة كلها إن في مرحلة الBrand Awareness العميل بيحتاج يشوف البراند أكثر من مرة عشان يقدر يتعرف عليه بسهولة Brand Recognition و بعدها يقدر يتذكره بسهولة Brand Recall و التأثير ده بيكون أقوى لو شاف البراند في أكثر من قناة ترويجية مش كل المرات من نفس المصدر.
?و دي فكرة التكامل ما بين قنوات الاتصال التسويقية
Integrated marketing communications
و فكرة ال 360 campaigns و هتلاقي عنها بعض الصور التوضيجية في الأسفل
شكرا لموقع Insiteooh.com اللي لقيت عليه صورة الإعلان.
? لحد دلوقتي مستغرب ليه ما اتكتبش الاسم بالعربي، لإن الإسم صعب بصراحة.
?و برضه لسة بفكر هل موضوع الإعلان الأونلاين صدفة؟ و لا تم الاستهداف جغرافيا باحترافية للي عدى على الإعلان ؟ أو الميزانية كبيرة و معظمكم شفتوا الإعلان أونلاين ؟

Leave a Reply

Your email address will not be published.

1 × 3 =

유료 vpn 추천