fbpx

Selective Distortion معنى – التشويه الإنتقائي

 Selective Distortion –   التشويه الانتقائي

يعني ايه Selective Distortion  ؟

دي عملية نفسية إدراكية Psychological Perceptual Process و فيها بيقوم الشخص بتشويه الحقائق و تغييرها لتتناسب مع اعتقاداته و معلوماته السابقة.


طيب يعني إيه Perception  الأول ؟

المقصود بيه بإختصار هو طبيعة فهمك و تحليلك للمؤثرات الخارجية اللي بتشوفها أو بتسمعها أو تحسها، و الإدراك ده بيختلف من شخص لآخر.
يعني كمثال : لو شوفت بائع بيتكلم بسرعة و صوت عالي شوية عشان يقنعك (ده المؤثر الخارجي).
ممكن شخص يفسَر ده على إنه مزعج و عايز يضحك عليه و يبيعله أي حاجة.
و شخص آخر يعتبر ده دليل على شطارته و ذكاؤه و إخلاصه و إنه فعلا عايز يساعده.
الإختلاف ده هو الإختلاف في الإدراك Perception  بناء على الإعتقادات و المعلومات السابقة لكل شخص.

الإدراك
An Overview of the Perception Process

في التسويق

Perception is more important than Reality
الإدراك أهم من الواقع و الحقائق لإن الإدراك ده هو اللي بيؤثر و بيوجه السلوك الفعلي للمستهلك.
و عشان كدة دائما بنقول إن ال Branding  و ال Positionning  تحديدا هي استراتيجية طويلة المدى و لازم تأخد وقتها و نركز فيها كويس عشان تؤثر على ال Perception  للمستهلك  وبالتالي سلوكه الشرائي.

طيب نرجع لموضوعنا ال Selective Distortion  بيحصل عند العملاء المتعصبين لبراند معين و بيحبوه، التعصب ده بيشوّه الحقائق و بيغيرها دائما لمصلحة البراند، يعني لو في عيب معين في البراند مش بس بيتغاضى عنه لأ ده بيحوله لميزة.


وده تقدر تشوفه بشكل واضح جدا في السيارات، لو حد بيحب نوع معين من السيارات و العربية بطيئة شوية مثلا و ده واقع و عيب واضح، يقول عشان الأمان و الثبات على الأرض، تبقى تكاليف صيانتها و قطع غيارها غالية وده عيب واضح، يقول عشان أوروبي و الغالي تمنه فيه( خد جولة في جروبات مالكي السيارات على فيسبوك هتشوف ده بوضوح جدا جدا في بعض الأنواع) و بعض محبي ال I Phone  أيضا نفس الكلام


و في دراسة اتعملت لتوضيح التأثير ده على بيبسي و كوكاكولا

مجموعة من الناس شربوا دايت بيبسي و دايت كوكاكولا بدون أن يكون اسم البراند ظاهر، النتيجة إن تقريباً أجمع كل المشاركين إن المنتجين متشابهين و لا يوجد تفضيل لمنتج على آخر

نفس التجربة تمت بس مع ظهور اسم البراند، النتيجة

65% قالوا إن دايت كولا طعمها أفضل
23% دايت بيبسي أفضل

الباقي شافوا إن مفيش فرق.
هنا اللي بيحب كوكاكولا أقنع نفسه ان طعمها أحلى مع إن فعليا الفرق صعب تمييزه. و هو ده ال Selective Distortion


طيب أستفيد منه إزاي ؟

لازم تسعى إنك تعمل Branding  قوي لحد ما يبقى عندك ناس كثيرة عندها ولاء كبير للمنتج و بتدافع عنه دائماً و تتغاضى عن عيوبه.
و الأهم إنك كمنافس لبراند قوي، لا تهاجم البراند بشكل مباشر و توضح عيوبه عشان كدة انت بتخسر كل محبيه لإنهم أصلا مش شايفين العيوب دي، دول بيحولوها لمزايا كمان.

في أمثلة كثير لل Selective Distortion  في الحياة عموما و بعيدة عن البيزنس، لو جه في دماغك مثال شاركنا بيه في التعليقات.

Marketing Courses


Leave a Reply

Your email address will not be published.

18 − 6 =

유료 vpn 추천