fbpx

Guerrilla Marketing Types | التسويق الإبداعي

8 أنواع مهمة لل Guerrilla Marketing


كنا اتكلمنا في مقال سابق عن ال Guerrilla Marketing  وتعريفها و فكرتها جاية منين مع بعض الأمثلة، و باختصار فهمنا ان المعنى الحرفي ليه هو تسويق حرب العصابات و المقصود بيه هو التسويق الابداعي المبتكر و احداث تأثير و انتشار كبير ,  ولفت الانتباه بميزانية قليلة، يعني نفس استراتيجية العصابات في الحروب فهي ليست منظمة و ليس لديها ميزانيات ضخمة و لكن ممكن تعمل تأثير كبير سريع و الهرب و الاختفاء بعدها.

عرفنا ان الGuerrilla Marketing  مش عبارة عن فكرة اعلان مبتكر و غريب بس، هي استراتيجية ممكن تطبيقها في شكل اعلان غريب، فكرة مميزة، تغليف مبتكر أو عرض ترويجي مميز.
 في اخر المقال السابق اتكلمنا عن 8 أنواع أساسية لل Guerrilla Marketing  هي الأكثر شيوعا، و في المقال ده هنتكلم سريعا عن كل نوع  بالأمثلة.

1-    Ambient Marketing

و ده يمكن أشهر نوع ، و هو التسويق عن طريق استغلال البيئة المحيطة سواء كان Indoors  أو    Outdoors

للفت انتباه المارة في هذا المكان، و كلنا شوفنا أمثلة كثير ليها سواء في الشوارع  أو المولات و الهايبر ماركت و غيرها.


2-Ambush Marketing

  التسويق من خلال عمل كمين أو خدعة متخفية
 و ده نوع من انواع ال Guerrilla Marketing بتعمل فيه اعلان بشكل غير مباشر و مفاجئ و متخفي بغرض لفت الأنظار بتكلفة منخفضة ، و غالبا الخدعة بتكون في المنافسين.
و أشهر مستخدمي هذا النوع شركات السيارات الكبرى زي مرسيدس و BMW  و أودي  في الحروب الاعلانية ما بينهم و الناس بتحب تسميها Brand Wars

و لكن المثالين القادمين هم تجسيد أوضح لمعنى ال Ambush Marketing

المثال الأول :  DHL
و ده اللي عملته شركة DHL لنقل الطرود عن طريق انها عملت  خدعة في المنافسين ليها، بعتت عميل عادي يبعت طرد كبير لونه أسود من خلال ٣ شركات منافسة، و الطرد ده بيتغير لونه مع الحرارة و تظهر جملة  DHL IS FASTER و صوّرت مندوبي الشركات المنافسة أثناء نقل الطرد، و طبعا اختارت التوصيل في أماكن مزدحمة عشان يظهر لأكبر عدد ممكن .
الغريب انها عملت ده مع شركتي UPs و TNT و شركة ثالثة و معملتش كدة مع  FedEx اللي هي المنافس الأكبر و ده كان من ضمن التعليقات و التساؤلات .

المثال الثاني: Huawei Vs. Apple

شركة هواوي و في أول يوم لبيع هواتف أبل الجديدة و بعد حدوث مشاكل في البطاريات في بعض الموديلات السابقة.قامت شركة قام مندوبي هواوي توزع بطاريات Power Banks مهداة من هواوي على المصطفين في طوابير أمام متاجر آبل لشراء ايفون الجديد XS وXs ماكس، مكتوب عليها “ستحتاج إليها”.
و توزيع عصائر مختلفة بدون عصير التفاح –  Sorry No Apple


3-Stealth Marketing

التسويق الخفي
 و  هو انك تعمل تسويق للمنتج من غير ما المتلقي يكون واخد باله  زي ال Product Placement انك تضع المنتج بتاعك وسط مسلسل أو برنامج أو فيلم  يستخدمه أبطال الفيلم دون دعاية مباشرة و ليه اسم اخر ال Covert Advertising  
طبعا الموضوع ده موجود في مصر و الوطن العربي من زمان و أول ما بدأ كان بيتعمل بحرفية، زي بيجو كدة في فيلم تيتو لأحمد السقا و اعلانMini Cooper  في فيلم  The Italian Job لكن دلوقتي خلاص لم  يصبح متخفي بسبب وعي العملاء من ناحية و بسبب ان المبالغة في اظهار المنتج وفوائده بتفضح فكرة التخفي، و أيضا بسبب انتشار النوع ده بشكل كبير مع ظهور المؤثرين Influencers  و ال Influencer Marketing


4Viral Marketing | Buzz Marketing

وده التطور الطبيعي لل Word Of Mouth  ، و هو ان منتجك أو اعلانك يبقى متميز أو غريب و الناس تتكلم عليه و ينتشر، زمان كان تأثيره محدود، لكن طبعا دلوقتي و في عصر السوشيال ميديا و التريندTrend   الموضوع بقى أسهل كثير و الانتشار بقى لحظي و تقدر تعمل Buzz  بسهولة.الممثليين و صناع الأفلام و المسلسلات بيستخدموا النوع ده كثير جدا، و شخصيات عامة زي تركي ال شيخ  بيستخدم الطريقة دي .


5Guerrilla Projection Advertising

ده نوع  مميز و  لسة لم ينتشر في الوطن العربي، و هو انك تعمل Digital Billboard  باستخدام
 Projector Device البروجكتور (الداتا شو )
هنا انت بتستغل أي حائط أو عمارة في مكان حيوي و تعرض عليها اعلانك باستخدام البروجكتور لمدة قصيرة، و بعدها تغير المكان و هنا انت بتوفر مصاريف التراخيص و مصاريف ايجار المساحة الاعلانية و طباعة الاعلان، و عشان كدة لازم مدة صغيرة لأنه غير مرخص.
و هو نفس فكرة ال Mobile Advertising  أو ال Transit Advertising

وفيه بتعمل اعلان متنقل على سيارة أو أتوبيس و بتتحرك للمناطق المهمة، الفرق ان هنا محتاج تكاليف أكبر نسبيا.


6-Street Marketing

هو نوع من أنواع ال Ambient Marketing   الفرق ان هنا الترويج بيكون من خلال اعلان غير تقليدي بس في الشارع فقط  حصرا ، مش في مكان اخر.



7-Wild Posting/Flyposting

واضح من المسمى، طريقة بسيطة و بدائية و هي نشر اعلانات كثيرة متكررة في أماكن مختلفة، و أنا بعتبرها تقليدية جدا و مش من أنواع الGuerrilla Marketing K ، بس الفكرة في اختيار مكان مميز و في نفس الوقت غير مزدحم بالاعلانات، و تستخدم اعلانات مبهرة في التصميم و الألوان.


8-Astroturfing

التسويق من خلال الدعاية الزائفة
ده اخر نوع و هو نوع مثير للجدل و للأسف أصبح  كثير و منتشر، و هو انك تنشر أخبار خادعة أو كاذبة أو أراء عملاء مفبكرة بهدف خلق نوع من الجدل و الانتشار حول الBrand  الخاص بيك- Fake News, Reviews or Endorsements

النوع  ده معروف من زمان في العلاقات العامة و ال Public Relations  و معروف باسم  Hype   وهو نفس الفكرة خلق حالة من الضجيج و الجدل و المبالغة في تقدير و الشكر في Brand   أو شخص معين للتأثير على الناس، زي بالظبط ال Artificial Publicity اللي بتتعمل للممثلين و المغنيين، لما أتكلم عن ممثل أو مطرب معبن كثير في أخبار و برامج و أعمله لقب رنان، زي نجم الجيل مثلاً أو نمبر وان و مع التكرار ناس كثير هتقتنع، أو أنشر خبر كاذب و اشاعة لعمل شو اعلامي و خلق حالة جدل، و على فكرة نفس التكنيك بيستخدم في السياسة و مع السياسين و البرامج و المشاريع الحكومية زي مشروع توشكى زمان مثلاً في مصر و لأ مش هقول أمثلة حديثة من مصر أو الوطن العربي و انتوا عارفين ليه طبعاً .

و أخيرا،  الأسلوب ده لما بيتعمل بشكل احترافي بيكون مفيد سواء اتفقنا أو اختلفنا معاه، لكن المشكلة لما يتعمل بمبالغة أوي و يكون الBrand   أو الفكرة اللي بيتم الترويج ليها ضعيفة أو فاشلة أو أقل من سقف التوقعات العالية اللي تم خلقها بسبب المبالغة.
و مسمىAstroturfing  مشتق  من كلمة Artificial Turf  و هي النجيل الصناعي و Astro  بمعنى نجم  بالأسبانية، يعني يقصد بيها خلق نجوم  مصطنعة، و انتشر دلوقتي أيضا بسبب انتشار السوشيال ميديا و ال Viral Reach  و ال Influencers  فبقى الموضوع أسهل من الأول، انت تجيب أي Brand  ,و تتفق مع كذا Influencer  يتكلم عنه و يشكر فيه و يقول رأيه – المدفوع نقدا أو هدايا- و الناس تقتنع و تشتري فعلا، و برضه تاني الفكرة نفسها مش غلط بالعكس هي ناجحة جدا Influencer Marketing، الفكرة في المبالغة في المزايا فقط و تقديم معلومات مغلوطة و رفع التوقعات Expectations و بالتالي ممكن يجيب نتيجة عكسية، عشان كدة بنقول ان النوع ده مثير للجدل و Risky  جدا.


في أنواع و مسميات تانية بس حبيت أشارك معاكم أهم 8 أنواع منهم، أتمنى أكون قدرت أوضحهم كويس، دلوقتي دورك تشوف أمثلة من الواقع لشركات و أشخاص طبقوا أحد الأنواع دي، و انت في مجال شغلك فكًر ازاي تطبق فكرة ال Guerrilla Marketing  بشكل عام و تلفت الانتباه بطرق غير تقليدية و ميزانية منخفضة.

 و ما تنساش تشوف الجزء الأول للمقال عن معنى ال Guerrilla Marketing   و Marketing Warfare strategies

سجًل الآن في كورسات

Marketing

Digital Marketing
في القاهرة و دبي .

 

Marketing Courses

Leave a Reply

Your email address will not be published. Required fields are marked *