ليه كوكاكولا اشترت كوستا | Coca cola Business Strategy
Coca cola Business Strategy
▪️في يناير 2019 ، أعلنت كوكاكولا عن استحواذها على سلسلة محلات كوستا Costa في صفقة قيمتها 5 مليار دولار و تعتبرأكبر صفقة استحواذية في مجال صناعة القهوة.
خبر عادي نسبيا، شركة كبيرة اشترت شركة متوسطة بهدف النمو أكثر و تنويع ال Product Portfolio الخاص بيها، بس الحقيقية ان الموضوع مش عادي و فيه تخطيط طويل المدى من كوكاكولا، طيب تعالوا نشوف الموضوع من الأول.
.
▪️طبعا شركة كوكاكولا غنية عن التعريف، بس ممكن مش كثير يعرفوا انها بدأت منذ عام 1886 و كشركة تم انشائها 1892 و كانت من أول الشركات اللي سجلت علامتها التجارية و من أول الشركات اللي طبًقت الMarketing و ال Branding بمعناه الحديث.
Coca Cola Vs. Pepsi
▪️ و عشان معظمنا فاكر ان كوكاكولا و بيبسي متقاربين جدا في قيمة البراند، الحقيقة ان ده مش حقيقي و كوكاكولا بتتفوق كثيرا على بيبسي :
طبقاَ ل Forbes
?كوكاكولا – سادس براند عالميا من حيث القيمة – قيمة البراند تقدر ب 59 مليار دولار
?بيبسي -رقم 29 عالميا -قيمة البراند تقدر ب 18.9 مليار دولار
لكن بسبب ذكاء بيبسي التسويقي فالعميل مش بيقدر يحس بالفرق عالميا بل عربيا أغلبنا يعتقد أن بيبسي أعلى قيمة، لكن في بلد زي أمريكا الموضوع بيبقى واضح جدا.
و لو بصينا حتى على انتشار الكلمتين عالميا على Google Trends في اخر 15 سنة هنلاقي تفوق واضح لكوكاكولا.
![](https://2a3edc.n3cdn1.secureserver.net/wp-content/uploads/2019/07/Untitled-3-300x162.png)
لكن بيبسيكو Pepsico بتتفوق في المبيعات كشركة بسبب تنوع منتجاتها.
▪️بيبسي عندها تنويع أكثر في منتجاتها حيث أنها تمتلك مجموعة من ال Brands بعيدا عن المشروبات Beverages زي لايزLay’s و دوريتوس Doritos و شيتوس.
لكن كوكاكولا تركيزها الأساسي في مجال المشروبات فقط و ما له علاقة مباشرة ليه زي تصنيع الزجاجات، لدرجة أن بعض الاحصائيات تؤكد ان كوكاكولا تمتلك أكثر من نصف المشروبات المعبئة في زجاجات Bottled Beverages في العالم بمختلف أنواعها.
![](https://2a3edc.n3cdn1.secureserver.net/wp-content/uploads/2019/07/1546835894025-image-300x116.png)
طيب ايه أكبر مشكلة بتواجه كوكاكولا ؟
▪️أكبر مشكلة إن منتجاتها الأساسية زي مشروبات
Cocacola-Coke Zero – Diet Coke – Fanta – Sprite
بتعاني من انخفاض الاستهلاك وأصبحت حبيسة لمرحلة النضج Maturity Phase بل بدأت في مرحلة الانحدار Decline Phase وده مش لوجود عيب خاص بكوكاكولا و لكن ده بسبب ان المستهلكين أصبحوا أكثر وعيا و اتجهوا إلى خيارات صحية أكثر زي العصائر و الشاي و القهوة و المياه العادية و الفوارة.
▪️و ده بيفسر ليه شركة كوكاكاولا بدات في التركيز على المياه المعدنية Dasani و العصائر و مشروبات الطاقة و القهوة و الشاي الباردة الجاهزة للشرب
RTD (Ready to Drink Coffee & Tea)
كمحاولة لتعويض انخفاض المبيعات من مشروباتها التقليدية، بس كل ده لسة مش كافي لتعويض المزيد من الانخفاض المتوقع مستقبلاً.
▪️و لذلك بدأت كوكاولا في البحث عن سوق أكثر نموا للاستثمار فيه بشكل قوي و من هنا وجدت أن ال Coffee Market من الأسواق صاحبة النمو الثابت حوالي 6% سنويا و ده رقم جيد جدا، مع الأخذ في الاعتبار إن استهلاك القهوة في تزايد بشكل عام و ساهم في ذلك انتشار الدراسات عن أنه مشروب صحي و مفيد.
![](https://2a3edc.n3cdn1.secureserver.net/wp-content/uploads/2019/07/product-life-cycle-diagram-tractionwise-300x226.jpg)
![](https://2a3edc.n3cdn1.secureserver.net/wp-content/uploads/2019/07/Untitled-2-300x246.png)
![](https://2a3edc.n3cdn1.secureserver.net/wp-content/uploads/2019/07/MW-FH813_bevera_MG_20170310153154-300x210.jpg)
☑ ووجدت الحل في شراء Costa Coffee من مالكيها شركة Whitebread
و شراء كوستا ليه العديد من المزايا بالأضافة لميزة السوق الأكثر نموا، حيث تنوي كوكاكولا أن تستغل شبكة الفروع الكبيرة لكوستا حوالي 4000 محل، لبيع منتجات كوكاكولا الأخرى، و أيضا استغلال شبكة توزيع كوكاكولا القوية في كل العالم لتحقيق انتشار أكثر لكوستا سواء كفروع أو Vending Machines بشكل أكبر و في دول أكثر و ده أعلنته فعلا.
![](https://2a3edc.n3cdn1.secureserver.net/wp-content/uploads/2019/07/COSTA-4-300x201.png)
أيضا تستغل مصانعها في انتاج أول مشروب قهوة جاهز للشرب من Costa على غرار منتجات ستاربكس، و ده أيضا تم الاعلان عنه.
?كل ده هيساعد شركة كوكاكولا ككل في تحقيق نمو Growth و يحافظ على مبيعاتها في حالة استمرار منتجاتها الأساسية في الانحدار في السنوات القادمة كما هو متوقع.
![](https://2a3edc.n3cdn1.secureserver.net/wp-content/uploads/2019/07/Coca-Cola-Strong-Stills-Portfolio-300x169.png)
?نستفيد من كوكاكولا إنها بتفهم المستهلك محتاج ايه وتدرس تغيرات سلوكه Consumer Behavior و تقوم بتعديل منتجاتها و ما تقدمه بناء على ما يريده المستهلك و لا تحاول العناد أو محاولة إرغام المستهلك على منتجاتها التقليدية بل هي اللي تتأقلم على متطلباته و تحقق ربح أيضا لأن المستهلك هو الأساس و ده هو مفهوم التسويق باختصار، وللأسف مش كل الشركات بتعمل ده و لنا عِبرة في نوكيا و بلاكبيري و كوداك.
?السؤال المهم تفتكر كوستا مع كوكاكولا هتقدر تنافس ستاربكس بقوة ؟
![](https://2a3edc.n3cdn1.secureserver.net/wp-content/uploads/2019/07/costafffff-300x164.png)
اتعلم تسويق من كيت كات و شرح أكثر لدورة حياة المنتج
اتعلم تسويق من ماكدونالدز وازاي استجابت للتغير في سلوك المستهلك