fbpx

Break Even Point – شرح نقطة التعادل

Break Even Analysis

يعني ايه Break Even Point  ؟

ال Break even Point  هي نقطة التعادل

وهي النقطة التي تكون عندها التكلفة Total Costs  والإيرادات Revenue متساوية
قبل ما توصل النقطة دي انت بتخسر و بعدها بتبدأ تكسب.

The breakeven point (BEP) in economics, business—and specifically cost accounting—is the point at which total cost and total revenue are equal, i.e. “even“. There is no net loss or gain


خلينا نشرح الموضوع ببساطة أكثر :

تخيًل انك عندك مشروع صغير “محل ساندوتشات برجر” و عايز تعمل التسعير الخاص بالساندوتش Pricing    و حسبتها  بطريقة ال   Cost plus Pricing  ، أنا العيش و اللحمة الخام بتكلفني في الساندوتش الواحد 10 جنيه مثلا و هحط نسبة ربح كبيرة عشان أبقى في الأمان يبقى أنا هبيع الساندوتش ب 15 جنيه.
جميل جداَ انت كدة حطيت نسبة ربح 50% تقريباً يعني المفروض تكسب كويس جداً بغض النظر عن أي حاجة.

تخيل بقى انك ممكن تبيع في اليوم أكثر من 150 ساندوتش  و تبقى خسران مش كسبان… طب إزاي ؟

الحقيقة إنك بالطريقة دي انت حسبت التكلفة المتغيرة فقط Variable Cost  و هي تكلفة المواد الخام، لكنك أهملت تماماً تكاليف تانية مهمة جدا و لم تضعها في الحسبان مثل تكلفة الإيجار و المرتبات أو ما يعرف بالتكاليف الثابنة Fixed Costs

يبقى انت عشان تقدر تحسب الموضوع بشكل صحيح لازم تعمل ما يعرف بال Break even Analysis  و هو انك تقدر تحسب نقطة التعادل و هي عدد الوحدات اللي محتاج تبيعها عشان تغطي كل تكاليفك الإجمالية  (الثابتة +  المتغيرة )

و ليها معادلة بسيطة لحسابها :

BEP(Break even Point) =  Fixed Costs / (Price – Variable cost)

لو افترضنا في  مثال المطعم  السابق إن التكلفة الثابتة في اليوم من إيجار و مرتبات و خدمات تقدر بحوالي 1000 جنيه

يبقى كدة ال :

Fixed Cost : 1000 LE

Variable Cost : 10 LE

Product Price : 15 LE

بالتعويض في المعادلة السابقة :

Break Even Point  = 1000 / 5 = 200 Units

يبقى انت محتاج تبيع 200 ساندوتش في اليوم الواحد عشان تغطي مصاريف اليوم و  دي نقطة التعادل بتاعتك
بداية من الساندوتش 201 تبدأ تكسب

لو بعت 199 ساندوتش في اليوم تبقى كدة خسران
و طبعا الحسابات دي المفروض تكون على الشهر و على السنة مش على اليوم، المثال بس للتوضيح و كمان لازم تحسب كل التكاليف الثابتة و المتغيرة بشكل أكثر دقة، يعني حتى لو المحل ده تمليك و مش بتدفع إيجار لازم تحسب نسبة الإستهلاك للأصول Depreciation

أمثلة للتكاليف الثابتة :

Examples of fixed costs include rental lease payments, salaries, insurance, property taxes, interest
expenses, depreciation, and potentially some utilities

أمثلة للتكاليف المتغيرة :

Examples of variable costs are sales commissions, direct labor costs, cost of raw materials used in production, and utility costs

و أحيانا بيحصل خلط في بعض التكاليف هل أحسبها من ضمن التكاليف الثابتة و لا المتغيرة زي فواتير الغاز و الكهرباء مثلا  و أحيانا  الأجور اليومية و مصاريف التسويق.

خلينا نتفق ان أي تكلفة ثابتة خلال مدة طويلة و لا تتأثر بحجم الإنتاج  بنعتبرها Fixed cost

و أي تكلفة بتزيد مع زيادة حجم الإنتاج (بل مع كل منتج واحد زيادة ) بنعتبرها Variable cost

جرًب مثال تاني على نفس المعادلة و ممكن تستخدم ال BEP online Calculator  في آخر المقال هتسهل عليك الحسابات وهتحسبلك نقطة التعادل بسهولة .

نقطة التعادل
Break Even Point Graphically

Break Even Analysis


استخدامات ال Break even point analysis   كثيرة مش بس عشان ال Pricing  و تحديد المكسب و الخسارة بشكل عام.

من الممكن انك تستخدم المعادلة في خلق ميزة تنافسية بالسعر لو انت متبع ال Cost leadership strategy

لإن من المعادلة هنلاحط ان كل ما هتخلي هامش ربحك قليل ( الفرق بين السعر و التكلفة المتغيرة )  كل ما هيزيد عدد الوحدات اللي انت محتاج تبيعها عشان تقدر توصل نقطة التعادل، يعني في المثال السابق لو هتبيع الساندوتش ب 12 جنيه هتبقى نقطة التعادل 500 ساندوتش و التحدي هيكون أصعب و هكذا .
و بكدة انت ممكن تحسب الموضوع بالعكس : تشوف الأول ايه أكبر عدد من الساندوتشات أقدر أوصله في اليوم و بناء عليه ممكن أقلل السعر أكثر و دي بيبقى فيها مخاطرة شوية بس فعلا بتقدر تقدم سعر منافس جدا .

يعني لو افترضنا ان المحل ده بيقدر يطلع أكثر من 1000 ساندوتش في اليوم بسهولة، يبقى بالرجوع للمعادلة لو اعتبرنا نقطة التعادل  1000  و التكلفة الثابتة و المتغيرة زي ما هي  يبقى انت هتقدر تخلي سعر الساندوتش ب 11 جنيه فقط -(عوَض في المعادلة بهدوء هتلاقيها بقت أوضح)

و الطريقة دي أيضا بيتم استخدامها في حساب العروض و خصوصا العروض المميزة زي قطعة + قطعة هدية ، عشان يقدر يعمل الخصم ده بدون ما يخسر لازم يوصل لبيع عدد معين من الوحدات في العرض و يببيع مبيعات محددة باستخدام نفس المعادلة.

و ممكن تحسب بيها جدوى حملة تسويقية معينة لو بتبيع أونلاين مثلاً.

و أخيرا زي ما حضراتكوا شايفين المعادلة دي بتحسب على أساس إنك عندك منتج واحد  أو خدمة واحدة ، طب في حالة وجود أكثر من منتج ؟
في حالة وجود أكثر من منتج بنحسب النسبة المتوقعة لبيع كل منتج (وزن كل منتج بالنسبة للبيزنس) و بنحسب

المتوسط  الموزون weighted Average  و بنعوض بإستخدام نفس المعادلة و هبقى أشرح مثال ليها بالتفاصيل في الجزء الثاني من المقال.

تقدر تجرب دلوقتي بنفسك بإستخدام ال BEP Calculator دي للتسهيل

دلوقتي سؤال للنقاش : ايه الطرق الأخرى للتسعير Pricing Approches  اللي سمعت عنها و هل استخدمت حاجة منهم ؟

BEP Calculator

Marketing Courses

Leave a Reply

Your email address will not be published.

eight + two =

유료 vpn 추천