fbpx

ثلاثة أسباب لانخفاض الدولار أمام الجنيه | USD vs EGP

📈٣ أسباب لانخفاض الدولار أمام الجنيه !!

💵الدولار انخفض اليوم لأقل قيمة منذ التعويم ليسجل متوسط 16.83 جنيه للبيع في البنوك المصرية.

💲بس يا ترى إيه أسباب الانخفاض المستمر من بداية 2019 ؟؟
الأسباب مش واضحة و بعض الناس يعتبرها غير منطقية و كلها اجتهادات إلى حد كبير.

١-السبب المعلن: زيادة التدفقات الأجنبية بشكل كبير جدا من بداية ٢٠١٩ .٢-السبب الغير معلن و موجود في الاخبار و المواقع الأجنبية: إن ده تدخل من البنك المركزي بعد تخفيض الفائدة على الجنيه لمنع اتجاه المصريين للدولرة مرة أخرى.

٣-أسباب أخرى : إن الانخفاض بسبب حملة خليها تصدي، و ابتعاد المصريين عن الكثير من البضائع المستوردة لارتفاع سعرها و بالتالي تقليل الاستيراد للكثير من البضائع، و أخيرا بسبب وقف استيراد الغاز الطبيعي بعد اكتشافات الغاز الاخيرة و تحسن السياحة.

💲طبعا كل سبب من دول ليه مصادره و لو عملت بحث بسيط كدة هتلاقي الكلام كله موجود، و محدش يقدر يجزم بالسبب الحقيقي لأن مفيش سبب واضح يقول إن المفروض يحصل الانخفاض ده.

💲و أخيرا معظم توقعات المواقع الأجنبية المتخصصة في التنبؤات الاقتصادية و المالية بناء على الارقام و التحليلات العلمية، بتقول إن السعر الحالي المفروض يكون في حدود 17.2 و في 2020 يوصل ل 17.4 ، وفقا لموقع Economic Forecasts.

🚩في النهاية أنا جمعت معظم الاخبار و التوقعات بدون تدخل او تحليل خاص مني، و أحب أعرف رأيكوا ايه اكثر سبب من ال٣ مقنع ليكوا؟ و لو في سبب تاني من وجهة نظرك أو من تحليلك الخاص.

Leave a Reply

Your email address will not be published. Required fields are marked *