Startup Burn Rate Explained – معدل الحرق في الشركات الناشئة
الحرق في زمن اليونيكورن 



واحد بيعمل فكرة حلوة و مميزة و غالباً جديدة، مش فكرة بس بيكون Business Model متكامل، يبدأ يطبقها في أضيق نطاق MVP (Minimum viable product )، تثبت نجاحها و قابليتها للتوسع Scalability ، يلاقي مستثمر يديله تمويل عشان يقدر يشتغل بشكل أفضل pre seed funding و لو قدر ينجح بعدها Seed Funding و معظم الشركات الناشئة مش بتوصل أصلا للمراحل دي لكن لو قدر يوصلها و بيعمل نمو كويس و عنده استراتيجية و خطة واضحة يدخل على جولة تمويلية ثانية Series A و بعدها Series B و أحياناً ممكن يوصل ل Series C و D و E
زي ما شوفنا عشان تقدر تاخد تمويل لازم تثبت انك عندك Model ناجح و قابل للتوسع ، و للأسف المعيار الأساسي بيكون معدل النمو حتى لو على حساب حاجات تانية أهم ، عشان كدة فيه مقياس مهم جداً في تقييم ال Start ups اسمه


أنا بحب أسميه معدّل الحرق و هو عبارة عن المبالغ اللي بتحتاجها الشركة الناشئة شهريا عشان تقدر تشتغل و توفي التزاماتها و بيكون ناتج عن الفرق بين إيرادات الشركة و اجمالي مصروفاتها لإن المتعارف عليه ان الشركات الناشئة في بدايتها بتكون الأولوية للنمو على حساب الربحية فعادي جدا ان المصروفات أكثر من الإيرادات ، لكن لازم أحسبها برضه و هو ده ال Burn rate ، الشركة محتاجة تضخ أموال قد ايه شهريا عشان تفضل شغالة.
يعني لو شركة مجموع مرتباتها و مصاريفها شهريا 10 الاف دولار و إيراداتها 8 الاف دولار ، يبقى ال Burn rate بتاعها 2000 دولار.
وهنا في metric تاني أهم و هو


الشركة هتقدر تستحمل وقت قد ايه قبل ما فلوسها تخلص ، و بيتحسب عن طريق اني بقسم المبلغ المتاح في الشركة على ال Burn Rate يعني لو في المثال السابق الشركة لسة معاها 50 ألف دولار ، يبقى 50 ألف على 2000 دولار يساوي 25 يبقى الشركة تقدر تستحمل 25 شهر بنفس المعدل.
الخلاصة من المقياسين دول أن معظم الخبراء بينصحوا إن الشركة لازم دائما يكون عندها أموال تغطى 12 شهر على الأقل .


20% ل 30% من الشركات الناشئة بس اللي بتقدر توصله (طبقا لعدة مصادر)

و الطموح مش عيب خالص بس لازم يبقى طموح مدروس، المخاطرة مطلوبة و هي الأساس، بس نسبة المخاطرة قد ايه، هو ده الموضوع كله و الإدارة كلها.






دي مع وضع في الاعتبار انها B2B فممكن يكون فيه تسهيلات ترويجية و عروض مبالغ فيها – ممكن اللي شغالين في نفس المجال يساعدونا برأيهم.
أخيرا حاجات زي مقرات الشركة مثلا لفتت نظري شوية لما شوفت صور مقر دبي أعتقد انه مقر مبالغ فيه نسبياً و المفارقة وجود صورة يونيكورن على الحيطة – مش متأكد ان دي صور المقر فعلا لسة – و لكن و اعذروني للمبالغة الدرامية بس الصورة بتؤكد الفكرة أكثر بشكل عام.



فكرة قديمة بس ناجحة قدروا يطبقوها تاني بنجاح و حققت نمو – توفرت معاهم أموال كثيرة بس هنا من القروض – أدت للمبالغة في النمو المفرط و التسويق المفرط و الحرق بدون وعي للوصول لأقصى درجات النجاح مش النجاح العادي – النتيجة انهيار سريع – و لكنه غير مفاجئ لأي حد فاهم بيزنس.


