fbpx

يعني ايه Plano-gram

يعني ايه Plano gram ؟

 

pharmacy planogram

 

دراسة سلوك المستهلك Consumer Behavior من أهم تطبيقات وفروع ال Marketing

و ده علم كبير جدا لأن داخل فيه جزء كبير من علوم النفس و الاجتماع ..بس الخلاصة فيه أنك بنحاول تدرس و تفهم عقلية المستهلك بتاعك كويس جدا و تحاول تتنبأ بتصرفاته و خصوصا قرار الشراء Purchase Decision

..عشان تقدر تأثر على قرار الشراء ده من خلال منتجاتك أو خدماتك و عروضك الدعائية و غيرها و تحاول تتحكم في شراء المستهلك لمنتج معين في وقت معين و بكمية معينة عشان انت تحقق الربح المطلوب و في نفس الوقت المستهلك يكون مبسوط و سعيد برضه و يكون الموضوع Win Win situation


🔖 عشان كدة الموضوع تتطور لدراسة تفاصيل التفاصيل اللي ممكن تأثر على قرار الشراء و لو بنسبة بسيطة .. و من ضمن الحاجات اللي بتأثر على قرار الشراء هي مكان و طريقة وضع المنتجات و ترتيبها في محل البيع النهائي .

.

🔖 كلنا بنشوف مثلا في كارفور تلاقي العروض كلها مجمعة في مكان واحد في المدخل وتلاقي نفسك لازم تبص عليها حتى لو داخل تشتري حاجة تانية ..و برضه بتشوف منتجات معينة قريبة من الكاشير و انت بتحاسب و غالبا بتلاقي نفسك رحت شاري حاجة منها و انت بتحاسب مع انك ماكنتش ناوي ..حاجة ثانية فينا كلنا لما بنيجي نشتري غالبا بنشتري الحاجة اللي في مستوى نظرنا علطول و اللي في أول الصف كمان بنكسل نبص فوق أو تحت و نكسل ندور في الصفوف اللي ورا …عشان كدة تلاقي الزبادي و العيش التاريخ القديم على الوش و قدامك و الجديد بيتحط ورا أو فوق أو تحت.

🔖و لذلك حتى في ثلاجات الشوكولاتة كمثال بتلاقي في ترتيب معين لأنواع الشوكولاتة مش محطوطة أي حاجة ..انت لو ركزت شوية هتلاقي في في بعض الثلاجات الخاصة ببراند معين زي كادبوري كدة في ملصق مرسوم عليه الترتيب بتاع المنتجات اللازم اتباعه و بيسمى ال

Plano-gram

” visual representations of a store’s products or services. They are considered a tool for visual merchandising “

🔖 طب تفتكروا ايه اللي بيبقى مكانه في مستوى النظر عشان يجذب انتباهك ..أكيد طبعا أحدث نوع هما مركزين عليه دعاية الفترة دي ..و أغلى و أكبر أنواع …لكن تلاقي الأحجام الصغيرة كلها تحت خالص عشان ما تلفتش نظرك، أما بالنسبة لأقسام الأطفال فممكن يضع بعض المنتجات تحت في مستوى نظر و ايد الطفل عشان ه اللي بيؤثر على والديه.


 

apparel plano gram

✔الملاحظة الأولى:

كل اللي فات ده مهم جدا جدا بس مش مع كل أنواع المنتجات ..هو ينفع أكثر مع ال

Convenience Products and some of shopping products

بمعنى انك ممكن تتأثر و تجيب ولاعة مثلا أو نوع شوكولاتة أو ملابس بسبب أنها موجودة قدامك في مكان كويس أو عند الكاشير أو معروضة حلو …لكن مش ممكن هتتأثر و هتجيب عربية مثلا عشان محطوطة في المعرض بشكل معين .

لأن كل نوع من المنتجات دي ليه طبيعة مختلفة في قرار الشراء بتاعه و هنبقى نوضح ده بالتفصيل ان شاء الله .

✔الملاحظة الثانية :

ترتيب المنتجات و طرق عرضها داخلة ضمن نطاق ما يعرف بال Merchandising

و أساس كل الموضوع ده داخل ضمن نطاق ال Category Management و هما مهمين جدا لأي  Retail Business بيتعامل مع المستهلك مباشرة، و هنبقى نتكلم عنه ثاني ان شاء االله .

.

Leave a Reply

Your email address will not be published. Required fields are marked *