Facebook Ads optimization | ازاي تقلل مصاريف الاعلانات للنصف

انتبه اعلاناتك هتكون تكلفتها الضعف لو عملت كدة !

ده مش عنوان للمبالغة و شد الانتباه، ده تحذير فعلي من الفيسبوك نفسه، ابتدى يظهر للمعلنين أثناء انشاء حملاتهم الاعلانية كمحاولة منه لتبرير الزيادة الملحوظة في تكاليف الإعلانات و محاولة مساعدة المعلن لتحسين تكلفة الإعلان مقارنة بالنتائج.

دلوقتي و انت بتعمل الإعلان و في مرحلة المجموعة الاعلانية  Ad set بيظهرلك التنبيه ده
Your cost per engagement may double


و بيوضحلك السبب، و أهم سببين هما
1-انك تكون محدد الاستهداف أوي (من 50 :100 ألف أو أقل مثلا)
2-انك تكون مستخدم ميزانية يوميا زيادة عن العادي بتاعك بشكل كبير(أضعاف). (يعني مثلا 30 دولار بدل من 5 دولار يوميا )(5 دولار بدل 1 دولار في اليوم) و هكذا

طيب السبب الاول مفهوم ليه : لإنك كل ما تقلل العدد المستهدف كل ما المنافسة بتزيد و السعر بيزيد.
السبب الثاني ممكن يكون غريب شوية، بس خو لنفس السبب تقريبا و هو ان الفيسبوك دائما بيحاول يوصلك لأقل سعر متاح في المزاد Auction ، و لكن لما بتخلص الفرص المتاحة بالسعر القليل ده بيضطر ينقلك لشريحة سعر أعلى فبالتالي ال CPA (Cost per action)  بيزيد و بيتضاعف و ده بيظهر لما تبدأ تستخدم ميزانية يومية أعلى من العادي لإنك بتطلب منه نتائج أكثر من العادي.


طيب ايه هي الإرشادات العامة اللي لازم أتبعها عشان أقلل تكلفة الإعلانات و ال CPA ؟
الفيسبوك محدد بعض الارشادات و أهمها :

1-Expand you audience

حاول دائما تستخدم استهداف كبير على قد ما تقدر.

2-update your budget
ما تزودش الميزانية اليومية فجأة، أول بشكل عملي أكثر، دائما حاول توزع الميزانية على أطول فترة ممكنة، يعني لو كنت عايز تصرف 100 دولار في 5 أيام ، خليهم على 10 أو 15 أحسن و هكذا.

3-learning phase

في فترة في أول أي اعلان بعد ما يشتغل اسمها فترة التعلم Leaning phase  و فيها الفيسبوك بيدرس الإعلان و تفاعله مع الفئة المستهدفة و النتائج المطلوبة Optimized Events  و في الفترة دي ممكن تلاقي التكلفة عالية شوية، عشان كدة ما تحكمش على الإعلان و تكلفته غير بعد 50 optimized event  على الأقل و هي فترة التعلم (يعني 50 تفاعل، 50 Click .( وهكذا  و عشان تساعد ان الفترة دي تخلص في أسرع وقت ما تعملش أي تعديل في الإعلان بعد ما يشتغل و ما توقفوش و ترجع تشغله تاني.


4-Automatic Placement
ما تحاولش تحدد أماكن معينة لظهور الإعلان، سيبها دائما مفتوحة لإن ده بيزود من تكلفة الإعلان جدا.

5- CBO (Campaign Budget Optimization)
دي حاجة Advanced  شوية للناس اللي بتعمل أكثر من Ad set  جوة نفس ال Campaign  هتلاقي ال Option  ده في أول ال Campaign  يفضل انك تخليه Active  لإن من خلاله الفيسبوك بيساعدك تصرف الميزانية على أحسن Ad sets  موجودة في ال campaign.
ملحوظة مهمة : خلي بالك الخاصية دي ما تستخدمهاش لو انت مستهدف أكثر من بلد، لإنه هيخلي اعلانك يظهر في البلد الأرخص فقط، يعني لو عامل مجموعتين اعلانيتين و احدة في مصر و واحدة في الامارات و استخدمت ال CBO  هتلاقي كل الميزانية اتصرفت في مصر بس.


أخيراً كل الارشادات دي مهمة جداً لكن الأهم دائما هو المحتوى القوي و تجربة أكثر من شكل و تصميم للمحتوى و اختبار استهدافات محتلفة و إعادة الاستهداف لتحريك العميل في ال Buyer Journey و هنتكلم عن الموضوع في بوست قادم ان شاء الله.

유료 vpn 추천