fbpx

يعني ايه Inbound Marketing ?

يعني ايه Inbound Marketing

معظم العاملين في مجال الDigital Marketing لازم يكونوا سمعوا عن المصطلح ده قبل كدة، و لو انت مهتم بال Marketing بشكل عام لازم تعرف أكثر عن ال Inbound Marketing لإن خطواته و استراتيجياته ممكن تطبق خارج سياق الديجيتال ماركتنج أيضاً.

نأخذ الموضوع من البداية خالص كالعادة، ال Inbound Marketing كمصطلح و استراتيجية ظهر سنة 2009 من ابتكار 2 من المتخصصين و الباحثين في مجال الديجيتال ماركتنج و هما Dharmesh Shah and Brian Halligan ووضعوا أساسيات الاستراتيجية دي و شرحوها في كتاب اسمه :

(2009) Inbound Marketing: Get Found Using Google, Social Media, and Blogs

inbound marketing ِشرح
Inbound Marketing 2009

و هما كمان مؤسسي شركة Hubspot أحد أشهر الشركات اللي بتقدم Digital Marketing Tools & Software منذ عام 2006


طيب يعني ايه Inbound Marketing ؟

كلمة Inbound مرادفة لكلمة Incoming و بالعربي ترجمتها ” واردة ” و مجمل معنى المصطلح انه التسويق من خلال انك تجذب العميل و تخليه هو اللي يجيلك بنفسه، يعني ايه الكلام ده، يعني التسويق بالاستراتيجية دي يعتمد على استخدام طرق مميزة لجذب العميل و التواصل و الحوار  معه بحيث هو اللي يطلب التعامل معاك بسبب ثقته فيك  و ده عكس طرق التسويق التقليدية اللي بتعتمد أحيانا على الإلحاح على العميل بهدف إقناعه للشراء بدون أي تواصل أو حوار بنًاء معاه، يعني بنعتمد أكثر على ال Pull Strategy مش ال Push Strategy .

طيب ازاي هجذب العميل من الأساس و اتواصل معاه عشان هو اللي يطلب التعامل أو الشراء؟
طبعاً الطرق المستخدمة زي ما هو واضح من عنوان الكتاب مقصود بيها استخدام وسائل التواصل الاجتماعي و المدونات و تهيئة موقعك لمحركات البحث، بمعنى تكون متواجد أونلاين في كل مكان ممكن يبحث فيه العميل و في كل قنوات الديجيتال ماركتنج، بس موجود و خلاص كدة، لأ طبعا لازم تكون موجود بمحتوى قوي و جاذب و محفز للتفاعل و التواصل و عشان كدة الInbound Marketing مرتبط بشكل أساسي بال Content Strategy و  ظهر مصطلح اسمه Content Marketing أو التسويق بالمحتوى، و هو يعتبر الجزء الأهم و الأساسي في أي Inbound Marketing Strategy.

يعني كمثال سريع كدة يوضح الفكرة العامة قبل ما ندخل في تفاصيل أكثر، لو انت بتسوَق ل Brand معين سواء بمنتج أو لخدمة او لشركة، صيدلية، عيادة أو لصاحب عمل حر  مهندس ديكور،دكتور، محامي .. الخ
حاليا دراسات كثير بتؤكد إن على الأقل 60% من العملاء بيعملوا بحث أونلاين قبل ما يتخذوا قرار الشراء، طيب هيعملوا بحث فين ؟ غالبا على جوجل و على السوشيال ميديا، يبقى أنا لازم أظهر ليهم في نتائج البحث و أكون متواجد في منصات السوشيال ميديا المختلفة، طيب العميل لما هيلاقيني هشد انتباهه ازاي بقى؟ أكيد بالمحتوى بتاعي، يعني ما ينفعش يلاقي كل الContent عبارة عن عرض للمنتجات و الخدمات بهدف البيع فقط، لازم يكون في محتوى غير بيعي مفيد للزائر حتى لو مش هيشتري دلوقتي، بعض النصائح و الارشادات و حلول للمشاكل اللي بيقابلها مثلا، أحدث الأخبار في المجال،كتيبات و ارشادات مجانيهة، أراء واقعية من عملاء سابقين، محتوى مسلي و جاذب، كل مجال بيكون ليه Content Mix مناسب لطبيعته.
موضوع الContent كبير جدا  و هنتكلم عليه لوحده في مقال كامل، المهم نكون فهمنا الفكرة الأساسية.

الInbound بيهتم كمان بمرحلة ما بعد البيع، يعني خلاص بعد ما جذبت العميل و تواصلت معاه و اقتنع و اشترى، ازاي أفضل على تواصل معاه عشان يوصل لمرحلة السعادة و ال Delighting .

يعني كملخص لل Inbound هو طريقة أفضل للبيع و طريقة أفضل للتسويق و طريقة أفضل لخدمة العميل، و ما هو جيد للعميل بالتأكيد هيكون جيد لل Business بشكل عام و هيؤدي لنموه و تطوره على المدى البعيد.


تعالوا نوضح الكلام ده بشكل منظم أكثر :

نبدأ ببعض تعريفات ال Inbound Marketing

Inbound is a method of attracting, engaging, and delighting people to grow a business that provides value and builds trust.

Inbound marketing is a technique for drawing customers to products and services via content marketing, social media marketing, search engine optimization and branding


ايه الخطوات الأساسية ليه ؟

هناك 4 خطوات أساسية لل Inbound Marketing و هي :

ATTRACT

ازاي تحول شخص من الفئة المستهدفة من شخص غريب إلى زائر لموقعك أو حساباتك.

CONVERT

ازاي تحوَل الزائر ده لعميل محتمل

CLOSE

ازاي تحوًل العميل المحتمل إلى عميل

DELIGHT

أخيرا كيف تجعل عميلك سعيداً


يعني هدفك الأساسي في البداية إذا أعمل محتوى قوي و جاذب يجذب الفئة المستهدفة لموقعي و حساباتي، و بعدها ازاي أحفز جزء كبير من الزوار لإنهم بتواصلوا معايا و يتفاعلوا معايا و يثقوا في الBrand لدرجة انهم يعطونا الإذن بالتواصل معهم، و هنا بس أقدر أقنعه بمنتجي أو خدمتي و أحوله لعميل، و بعد ما أصبح عميل، لازم أفضل على تواصل معاه و أستمر في تقديم خدمات ليه لإسعاده.

خطوات سهلة وواضحة و لكن المهم كيفية التنفيذ و الاستمرارية، كثير من البراندات الحديثة بتبدأ بنفس فكر ال Inbound Marketing و لكن مع زيادة المبيعات و الانتشار تتحوًل مرة أخرى لل Outbound Marketing و الاهتمام بالبيع على حساب بناء علاقة ثقة مع العميل و إسعاده.

الانفوجراف ده بيوضح ايه اللي ممكن تعمله في كل خطوة من الأربعة.

inbound marketing ِشرح
Inbound Marketing Steps

كدة أعتقد بقى عندنا تصوَر أوضح لمعنى ال Inbound Marketing

و الInbound Marketing بيعتبر تكملة و تحديث لاستراتيجية ال Permission Marketing اللي ابتكرها المبدع Seth Godin في كتابه بنفس الاسم سنة 1999 و كان بيتكلم عن أهمية انك تأخذ اذن العميل المحتمل قبل التواصل معاه بأي طريقة، كمثال انك لو قدرت تحصل على الايميل الخاص بالعميل بأي طريقة ده لا يعطيك الحق في إنك تبعتله رسائل اعلانية على الايميل، لازم تكون واخد permission منه و كمان تكون بتقدمله أي فائدة في المقابل.

و المميز في الاستراتيجيات دي انها قللت شوية من سيطرة و نفوذ المال، سابقا كان الأكثر نجاحا تسويقيا  هو الاكثر مالا ، و قللت من سيطرة قنوات التسويق المرتفعة التكاليف  و حاليا أصبح من السهل تحقيق النجاح عن طريق الاهتمام بالعميل و خدمته و التواصل معه و تقديم محتوى مميز له من خلال قنوات تسويقية أقل في التكلفة و أقوى في التأثير و ممكن تعرف أكثر عن القنوات دي من مقال عن أهم 7 فروع للديجيتال ماركتنج.

و أخيرا بفكركم تاني ان الخطوات سهلة و بسيطة جدا لكن محتاجة مجهود و تكلفة و  محتاجة اقتناع بأهميتها في البداية والاستمرارية  عليها، لإنها استراتيجية تظهر نتائجها الايجابية جدا على المدى البعيد.

Inbound Vs. Outbound

في أمثلة كثير حوالينا ل Brands بتطبق ال Inbound Marketing بشكل مميز، هسيبكوا تعرفوها بنفسكوا و نتناقش فيها في التعليقات، و أخيرا سؤال مهم ازاي تطبق  ال Inbound Marketing في التسويق بشكل عام مش في قنوات الديجيتال فقط ؟
تفاصيل كورس ال Digital Marketing القادم في القاهرة  

DigitalX Course

Marketing Courses

Leave a Reply

Your email address will not be published. Required fields are marked *