fbpx

يعني ايه Halo Effect ?

يعني ايه Halo Effect؟

و ازاي أستفيد منه في ال Marketing و ال Branding ؟

 

تأثير الهالة

ال Halo Effect هو تأثير نفسي المقصود بيه إن صفة واحدة إيجابية في الشخص أو الشيء بتؤثر على شعور الناس اتجاه هذا الشخص أو الشئ بشكل عام حتى لو في مواضيع ليست لها علاقة بالصفة دي.
يعني كمثال: لما بنشوف شخص وسيم، بنفترض بشكل تلقائي انه ناجح في حياته و ذكي و محترم.
و التأثير ده تم توضيحه بواسطة Edward Thorndike الباحث في علم النفس من سنة 1920 و كانت دراسته على التأثير ده على الأشخاص فقط، و لكن بعد كدة تم دراسة نفس التأثير على المنتجات و الخدمات و الشركات بشكل مكثف في الدراسات المتعلقة بال Marketing و ال Branding .

و في بدايات دراسة الHalo Effect على الأشخاص، كانوا بيعملوا تجربة و يجيبوا صوًر لأشخاص شديدي الوسامة و الجاذبية و صور أشخاص أقل وسامة و صور لأشخاص غير جذابين و يعرضوها على مجموعة من الناس و يسألوهم بعض الأسئلة عن كل شخص و يجاوبوا بناء على الصورة فقط.
تقريبا بالإجماع كل المشاركين في التجرية دي افترضوا ان الأشخاص الأكثر جاذبية هم الأكثر نجاحا و ذكاءً و الأقل جاذبية هم الأقل نجاحا و ذكاء.
و هو ده بإختصار هو ال Halo Effect هو عبارة عن
Perception Distortion و Cognitive Bias
خلل في الإدراك و تحيًز معرفي
يعني احنا بنتحيز للشخص الأكثر جاذببة و بنفترض انه جيد في كل حاجة حتى لو مالهاش أي علاقة بصفة الجاذبية أو الوسامة.
حاجة محبطة بس للأسف هي حقيقية و مثبتة بالتجارب، و بدون تجارب أكيد معظمنا لمسنا ده في الواقع، و في الشغل كمان.
طيب ممتاز، ايه علاقة ال Halo Effect بال Marketing و ال Branding و ال Consumer Behavior
الحقيقية ان بعض الباحثين درسوا تأثير ال Halo Effect في ال Business ووجدوه ليه تأثير أيضاً ، وجدوا ان العميل بيتحيَز و يشتري منتج معين نتيجة لتجربة جيدة مع منتج أخر من نفس الشركة .
ووجدوا ان ال
Halo Effect correlated to Brand Strength, Brand Loyalty & Brand Equity
وده ليه أمثلة كثير جداً، أشهرها تأثير Apple Ipod و نجاحه الكبير على باقي منتجات شركة Apple و إلى الآن أي منتج من الشركة بنفترض انه ممتاز بغض النظر عن المنتج نفسه وده بسبب ال Brand Loyalty الناتجة من ال Halo Effect
نفس الفكرة بيستغلها المعلنون لما يربطوا منتجهم بشخصية محبوبة و مؤثرة أو يعلنوا عن منتجهم خلال برنامج مميز، بيحاولوا يستفيدوا من الهالة الإيجابية المحيطة بالشخص أو البرنامج و يشملوا منتجهم بها.
ومش محتاج أشير الى سبب سبب التسمية Halo effect تأثير الهالة ( الهالة مقصود بيها هالة الضوء اللي بتشير إلى الشخص الطيب أو الملاك ) .

الأمثلة العملية للتأثير ده في ال Marketing لا تعد و لا تحصى، وفي أكثر من تكتيك في ال Marketing هو في الأساس منبثق من هذا التاثير، مثلا ال Physical Evidence في حالة الخدمات من الجو العام المحيط بالخدمة و التصميم و الألوان ، كل ده كمحاولة لفرض Halo Effect قبل تلقي الخدمة نفسها ، و بقينا نشوفها بشكل واضح في محلات الكوافير و حلاقة الشعر، تلاقي المحل و تصميمه مبالغ في الأناقة و البذخ، و ده بيجعلنا نفترض انه أحسن من منافسيه، رغم ان تصميم المحل لا يؤثر نهائيا على جودة قصة الشعر.
و في التغليف Packaging نفس التأثير، و حتى في تصميم المواقع و تطبيقات الموبايل و حتى غلاف الكتب.

و زي ما نقدر نستغل ال Halo Effect لمصلحتنا، للأسف فالعكس صحيح فيما يسمى Horn Effect or Devil Effect
و فيه أيضاً الناس بتتأثر بأي صفة سلبية في شخص أو شئ ما و تقوم بتعميم الفكرة على باقي الصفات الغير مرتبطة بنفس الصفة.
و ده في الأشخاص مرادف لمفهوم ال Stereotyping ، أي شخص هيئته مختلفة يبقى من عبدة الشيطان مثلاً .
و في ال Marketing لو العميل لاقى أي تجربة غير جيدة معاك أو مع منتجك هيعمم الإحساس ده على أي منتج أو خدمة بتقدمها و ده اللي بنقول عليه ال Learning كواحد من التأثيرات النفسية على سلوك المستهلك Consumer Behavior و هنتكلم عليها مرة تانية بتفصيل و أمثلة أكثر.

 

شوف فيديو لتجربة عملية و شرح أكثر من الفيديوهات في الأسفل
و دلوقتي عايز أعرف ايه الأمثلة اللي جت في دماغك ليها علاقة بال Halo Effect


 

 

 

Marketing Courses

Leave a Reply

Your email address will not be published.