Product Placement مصر للطيران تطير في سماء السينما العالمية
مصر للطيران تطير في سماء السينما العالمية
فيلم الرسوم المتحركة Mummies/ المومياوات اللي اتعرض السنة دي من انتاج شركة Warner Bros الأمريكية .. هتتفاجئ فيه إن الأبطال بيستخدموا طيران شركة مصر للطيران Egypt Air و اللوجو و طائرات الشركة واخدين حقهم كويس في الظهور في أكثر من مشهد
النوع ده من الإعلانات معروف بإسم:
” Product Placement / Covert Advertising “
” وضع المنتج أو الإعلان المتخفي “
و فيه بيتم عرض للمنتج و استخدامه خلال أحداث فيلم أو برنامج للدعاية ليه بشكل غير مباشر و غير معلن.
————————
بصراحة فكرة مميزة من مصر للطيران و اختيار مناسب للفيلم كموضوع لإنه بيتكلم عن الفراعنة و مصر يعني كمان هيبقى فيه ترويج للسياحة، و طبعاً كفئة مستهدفة ليس أفضل اختيار نظراً لأن الفيلم هيكون جزء كبير من مشاهديه أطفال و لكن برضه فيه نسبة معقولة من الكبار بيتفرجوا على أفلام ال Animation، على الأقل عائلات الأطفال.
السؤال الأهم هنا: هل السائح لما هيجرّب مصر للطيران هيلاقي الأسعار و الخدمة اللي ترضيه و تخليه يجي مرة تانية و يتكلم بشكل كويس عنها ولا لأ ؟
أعتقد دي أهم جزئية لازم التركيز عليها قبل أي حاجة، لازم دائماً نهتم بداخل الصندوق و الأساسيات من تقديم قيمة مميزة للعميل، قبل التفكير في أفكار خارج الصندوق.
اعرف أكثر عن كتاب التسويق داخل الصندوق
