Copywriting 4P’s كيف تكتب محتوى اعلاني مميز

عايز تعمل محتوى إعلاني مقنع بأحسن و أسهل طريقة ؟ استخدم 𝗧𝗵𝗲 𝗙𝗼𝘂𝗿 𝗣 𝗔𝗽𝗽𝗿𝗼𝗮𝗰𝗵. أيوة ال 4P’s ورانا ورانا بس بشكل مختلف المرة دي. 𝗣 >>>>>>>> 𝗣romise >>>>>> الوعد𝗣 >>>>>>>> 𝗣icture >>>>>> الصورة𝗣>>>>>>>> 𝗣roof >>>>>> الاثبات𝗣 >>>>>>>> 𝗣ush >>>>>> التنفيذ عشان تعمل محتوى إعلاني مقنع لازم يحتوي على 4 أجزاء أساسية : الجزء الأول:P >>>>>>>> 𝗣romise >>>>>> الوعد أول جزء و هو من أهم الأجزاء، ازاي تلفت الانتباه بشكل مميز، في العصر الحالي مش مشكلة إنك توصل للعميل..المهم أنك لما توصله تقدر تلفت انتباهه في أقل وقت ممكن ( ٨ ثواني كحد أقصى ) طيب ازايأحسن طريقة لو عندك عرض مميز فعلاً Offer & Promotion و تصيغه بشكل قوي و جذاب و باستخدام كلمات مؤثرة.هنا لازم العرض يكون حقيقي مش أي كلام حتى لا ينعكس عليك بالسلب بعد كدة .. العميل مش ساذجطيب لو مفيش يبقى توعده إن المنتج أو الخدمة هتساعده و تفيده بشكل كبير .. هنا التوازن مهم جداً ما بين إني أعمل جملة قوية و ما بين إني أبالغ أوي .. شعرة بسيطة هتقدر تظبطها مع الوقت.الجزء الثانيP >>>>>>>> 𝗣icture >>>>>> الصورة هنا بقى هنشرح الوعد ده هيتحقق إزاي و أرسم صورة للعميل يتخيل فيها نفسه و هو بيستخدم المنتج أو بيستمتع بالخدمة وبيستفيد بالوعد اللي أنا قولتله، هنا ممكن تستخدم السرد القصصي storytelling بشكل مختصر و الأهم إنك تركز على الجانب العاطفي و ال Emotions لإنك في الآخر بتكلم بشر و البشر يعني عاطفة و كل ما تستخدم صور معبّرة أو فيديو يكون أفضل للمساعدة في رسم الصورة. الجزء الثالثP >>>>>>>> 𝗣roof >>>>>> الاثبات في رأيي ده أهم جزء، بدونه أول جزئين مالهمش لازمة و كلام في الهواء، هنا بنجاوب على سؤال العميل اللي هيجي في باله دلوقتي .. أصدقك ليه ؟ ليه أشتري منك إنت ؟أقوى حاجة ممكن نستخدمها هنا هي التقييمات و آراء العملاء السابقين، و يا سلام لو فيديو و كل ما يكون من عملاء أكتر يكون أفضل، طيب ايه تاني ؟ حسب المجال ممكن أستخدم دراسات علمية، شهادات، صور و فيديوهات مباشرة من المكان في حالة الخدمات و هكذا .. فيه أفكار كتير و حاول تستخدمها كلها مع الوقت. الجزء الرابعP >>>>>>>> 𝗣ush >>>>>> التنفيذ مبروك إنت كدة عملت شغل رائع و العميل تقريباً مقتنع، فاضله -زقة- دفعة صغيرة كدة أو ما يسمى Call To Action ، و ده موضوع بسيط بس مهم جداً، بتستخدم فيه مزيج من الكلمات القوية المحفزة مع طريقة سهلة للشراء و محفز بسيط كدة معاها لسرعة الشراء.و زي ما حضراتكوا شايفين الخطوات دي مش اختراع هي شكل مبسط لنفس ال Approaches المستخدمة في التسويق من زمان زي ال AIDA Model مثلاAwareness .. Ineterst ..Desire..Actionالفرق بس انك بتحاول تعمل ال ٤ خطوات في نفس النص الإعلاني أو ال Copy.──────────────────────── تعالى نشوف مثال حقيقي للخطوات بسرعة و شوف اللينكات اللي فيه كمان : ١- اتعلّم تكتب محتوى قوي و احترافي في ٣ ساعات.2-لو سألتني بعد ١٣ سنة في مجال التسويق إيه أهم عامل لنجاح أي حملة تسويق أو تسويق الكتروني .. هقولك بدون تردد المحتوى .. فالمحتوى هو الملك زي ما بيقولوا.Content is the kingفي الكورس ده هنبدأ الرحلة من الأول خالص، خلال الرحلة هتقدر تفهم سلوك العميل أونلاين و ازاي بيفكر و تجهز استراتيجية محتوى متكاملة مناسبة ليه و طريقة تنفيذها بشكل احترافي، و هتعرف إن كتابة المحتوى تجربة ممتعة و محفزة .. هنستمتع بيها مع بعض. ٣-الكورس مجهز من أكثر من ٩ مصادر و كتب موثوقة بالإضافة للتجربة العملية لأكثر من ١٣ سنة في مجال التسويق و التسويق الإلكتروني في أكثر من مجال، حاصل على أعلى التقييمات سواء عند تقديمه بشكل مباشر أو التقييمات على منصة يوديمي. شوف جانب من التقييمات السابقة من هنا: https://tamersalah.com/marketing-course_testimonials/ ٤-اشتري الكورس دلوقتي من أي مكان بالعالم للاطلاع أي عدد من المرات مدى الحياة و الحق الخصم الخاص لمدة ٤ أيام فقط من خلال اللينك ده. https://tamersalah.com/content-marketing-course-online/ 


 📌يا ترى البوست ده بقى نعتبره Educational Post و لا Selling Post ؟ 📌حاول تعمل مثال في مجالك الخاص.

유료 vpn 추천