fbpx

Bamboo Branding Success – تعلّم النجاح من البامبو

تعلّم النجاح من نبات البامبو 🌿
في قصة تحفيزية مشهورة بتتكلم عن إزاي شجر البامبو في الصين بيحتاج عناية و رعاية لمدة ٤ سنوات كاملة بدون ظهور أي نبات على سطح الأرض، و في السنة الخامسة بتحصل المفاجأة و بيبدأ النبات في الظهور مش بس كدة ده بينمو بشكل سريع جداً و طوله بيوصل ل ٣٠ متر في ٦ أسابيع فقط.
و هنا العبرة من القصة إن النجاح بيحتاج صبر و مجهود و في النهاية النتيجة هتظهر و النجاح حتى لو اتأخر فهيكون نجاح كبير طالما انت بتبذل مجهود بشكل مستمر فانت بتبني قواعد النجاح، زي جذور شجر البامبو من غير الرعاية و الاهتمام طوال الأربع سنوات عمر الجذور ما هتبقى قوية و هيقدر يظهر في السنة الخامسة و ينمو بشكل كويس.

يعني بإختصار كل نجاح يحتاج ليه قواعد و جذور بتحتاج وقت و مجهود و مش بتكون ظاهرة في الأول و لازم يبقى عندنا الصبر و اليقين.

و أنا أول لما قرأت عن القصة دي جه في دماغي مباشرة فكرة ال Branding، الموضوع مشابه جداً، عشان تبني Brand مميز، محتاج وقت و مجهود تبني قواعد و جذور و Values لل Brand بشكل سليم، و ممكن في الأول النتيجة ما تظهرش بالشكل المتوقع و لكن لما تصبر و تستمر صح النتيجة هتكون مميزة جدا و بعدها النجاح هيظهر اسرع و تبدأ تحصد لأنك بنيت Valuable Brand وعملت Branding سليم.
طيب ليه أختار البامبو اللي بيقعد سنين طالما ممكن أزرع حاجة تطلع بعد سنة، طيب ليه أفضل أبني براند لما ممكن أعمل اعلانات و أبيع و خلاص.
الفرق في التميّز و التميّز هو اللي بيزيد القيمة و هو اللي ليه استمرارية أكتر و نجاحه أكبر .

ليا تعليقان في النهاية :
الأول إني عملت بحث للتأكد و لقيت ان مش كل أنواع البامبو بتقعد ٤ سنين مش ظاهرة تماما، و لكن كله بيحتاج وقت طويل فعلاً.
الثاني : بختلف في جزء من القصة التحفيزية الأساسية، و هي إني ماينفعش أفضل طوال ال ٤ سنوات بعمل جهد كبير بدون ما يكون فيه أي نتائج و لا بوادر للنمو، لازم متابعة عشان ممكن أكون ماشي في الطريق الخاطئ.

و دلوقتي دورك تبدأ تزرع شجر البامبو الخاص بيك !


و تقدر تشوف أربع مقالات وفيديوهات بتتكلم عن ال branding عشان الموضوع يبقى أوضح أكثر

  مقال يعني ايه براند من هنا

مقال يعني ايه Personal Branding 

 مقال يعني ايهrebranding من هنا

فيديو عن ال  Experiential Marketing –  Sensory Marketing 

Leave a Reply

Your email address will not be published.

13 − 8 =

유료 vpn 추천