fbpx

الحرب المنتظرة بين أمازون و فيديكس | Amazon Vs FedEx Strategies

3 أسباب رئيسية لإلغاء تعاقد العملاقين أمازون Amazon و فيديكس FedEx

 

مؤخراً أعلنت عملاق النقل شركة فيديكس FedEx عدم تجديد تعاقدها مع عملاق التجارة الالكترونية شركة أمازون Amazon، رغم ان حجم التعامل يصل الى 850 مليون دولار سنوياً.

لما نشوف الخبر من النظرة الأولى هنعتبره قرار غريب و متسرع من شركة فيديكس FedEx مهما كانت الأسباب، حتى مع اعلان فيديكس ان أمازون ليست بالعميل الكبير بالنسبة ليها حيث ان العائد من التعامل مع أمازون لا يمثل الا 1.3 % من اجمالي ايرادات الشركة في 2018.

و فيديكس FedEx برًرت عدم تجديد التعاقد بإن حجم التجارة الالكترونية في نمو كبير و متوقع زيادته من 50 مليون ل 100 مليون طرد يوميا في أمريكا فقط في 2026 و انها عندها الشبكة و الامكانيات الكافية لخدمة الاف العملاء من تجار التجزئة.

بس كدة ده كان تبريرها لعدم التجديد و اللي يعتبر غير مقتع و غير واضح.

و لكن من الواضح أن هناك أسباب أخرى أكثر إقناعاً و ده اللي هنناقشه سوياً :

الأول نعرف ان أمازون Amazon بتعتمد في نقل منتجاتها على 3 شركات، البريد الأمريكي USPS بنسبة 44% تقريبا و شركة UPS بنسبة 22% و فيديكس 3% و 5% شركات أخرى

و أمازون Amazon بتقوم بنفسها من خلال شبكتها بتوزيع 26% تقريبا من الطرود الخاصة بيها.

 

Amazon Vs Fedex
Amazon Packages Carriers

أول حاجة معظم المحللين كانوا بيتوقعوا ان ده هيحصل عاجلا أم اجلا و ان FedEx عملت كدة قبل ما أمازون هي اللي تلغي التعاقد، و المتوقع ان ده هيحصل مع باقي شركات الشحن اللي بتتعامل معها أمازون تدريجياً.


طيب ده ليه ؟

السبب الأول :

من ضمن الأسباب الأساسية هي انخفاض نسبة الربحية Profitability ، من المعروف طبعا ان أمازون و بسبب حجم تعاملها الكبير بتشترط الحصول على أسعار خاصة جدا و بالتالي بتقل ربحية الشركات المتعاقدة معاها، يعني بيبقى حجم التعامل كبير بس الربحية قليلة، و ده سبب مهم يخلي الشركة تفكر تشوف بدائل أكثر ربحية.

لدرجة أن الرئيس الأمريكي دونالد ترامب نفسه اتكلم عن الموضوع ده أكثر من مرة، و ان أمازون بتستغل البريد الامريكي و بتأخد أسعار خاصة جدا و بتوفر على حساب دافعي الضرائب في أمريكا (و مع ان البريد الأمريكي مش ممول من الضرائب حسب قناة CNBC بس مش موضوعنا )

trump Amazon
Trump’s Tweet

السبب الثاني :

سبب آخر مهم وهو ان فيديكس على الاغلب اختارت الانحياز لجانب عملاق التجزئة وولمارت Walmart و أحد أهم منافسي أمازون.

Walmart & FedEx
فيديكس و وولمارت بيسعىوا لتطبيق برامج التوصيل في نفس اليوم لأسواق جديدة، و الشركتين أعلنوا مؤخراً عن اضافة 500 فرع لفيديكس في فروع وولمارت.

 

السبب الثالث:

ده من أهم الأسباب من وجهة نظري، وهو ان أمازون في خطتها التوسع و الدخول في مجال الشحن و النقل بقوة و بالتالي هي في طريقها لتصبح أحد منافسي شركة فيديكس في القريب العاجل، و بكدة فيديكس أحدثت بعض الاضطرابات في خططها نتيجة الغاء التعاقد، و برضه منعت أمازون من الحصول على معلومات أكثر عنها و عن عملائها و إدارتها لعملياتها عشان ما تستفدش منها في بناء امبراطوريتها الخاصة في النقل، و ده رغم اعلان مسئولي فيديكس ان أمازون صعب أن تكون منافس قوي ليهم.


 

 

و لكل الأسباب السابقة قررت فيديكس وقف التعامل و التركيز على عملاء أكثر ربحية و أكثر فائدة بالنسبة ليها، و قررت عدم التعاون مع منافس مستقبلي، و اختارت خسارة قريبة مقابل تخطيط مستقبلي أفضل، و أغلب المحللين اعتبروه قرار صائب و بديهي رغم ان فيديكس خسرت حوالي 1% في البورصة بعد القرار.

و زي ما ذكرنا ان أمازون من الأساس عندها أسطولها الجوي الخاص 40 طائرة و البري 7000 سيارة للشحن و النقل، و بتدير حوالي 26% من عمليات نقل طرودها بنفسها ، و لكن في خطتها التوسع أكثر و أكثر و ده اللي هنتكلم عنه بالتفصيل في الجزء الثاني من المقال و هيكون مخصص للكلام عن أمازون و ياريت تشاركونا في التعليقات بأي معلومة مميزة تعرفوها عن أمازون أو تحبوا تعرفوا عنها أكثر.

 

 


📣أخيراً أحب أحتفل معاكم بمرور4 سنوات على تقديم كورس 4×4 Marketing في مصر و الامارات و أشارككم بميعاد الدورة ال 40 من كورس أساسيات الMarketing و الMarketing Planning في القاهرة.

 

 

4X4 Marketing Course in Egypt Cairo – Round 40

Course Details

Dubai Course

 

#

Leave a Reply

Your email address will not be published. Required fields are marked *