ازاي أعمل Personal Branding ?
[arabic-font]
● اتكلمنا قبل كدة عن معنى التسويق و تعريفه بشكل عام و الخطة التسويقية و مبادئ سريعة عن التسويق الالكتروني
Marketing,Marketing Plan, Abc Digital Marketing
و غيرها .
● طيب و احنا بتكلم عن كل اللي فات ده كان كلنا بيجي في دماغنا تسويق منتج مادي واضح أو خدمة و ده مفهموم ضيق شوية .
لان احنا عندنا 10 حاجات على الأقل ممكن نعملها تسويق
Goods , services ,Organizations, Properties , Places,Events, Experience, Information , ideas & Persons
● بس هنا هنسيبنا من كل الأنواع دي دلوقتي و نركز على الأشخاص ..ازاي أسوق لنفسي بشكل احترافي أو ما يسمى
Personal Branding
و نكون واضحين أكتر احنا هنتكلم عن ال
Online personal Branding
و بشكل عام في نوعيين لل
Online Personal Branding
1-شخص مشهور أصلا في المجتمع سواء بقى ممثل او مطرب او كاتب أو سياسي او رجل اعمال و عايز يستفيد بالتطور في مواقع التواصل الاجتماعي في انه يتواصل مع الجمهور مباشرة و يوضح أفكاره و يقوي علاقته مع متابعيه عشان في النهاية يحصل على شعبية أكتر هتساعده في شغله أيا كان بشكل مباشر و غير مباشر .
وده نوع سهل جدا و طريقته واضحة و مش هنتكلم عليه .
.
2- النوع الاصعب ..شخص مش مشهور بس عنده موهبة أو رسالة ..سواء كانت فنية دعوية توعوية أو موهبة احترافية في مهنته ..دكتور،مهندس ،محامي سياسي ،استشاري ،مصمم ،مبرمج ؛محاضر ، كاتب ..الخ
و عايز يبقى ليه تواجد اونلاين لتعزيز تواجده في مجاله بشكل غير مباشر ..لأن التواجد اونلاين بشكل قوي و وجود متابعين و تواصل معاهم بيدي Credibility
عالية جدا و بيفتح المجال لفرص أفضل في الحياة الواقعية .
.
يعني طبيب مثلا و عنده عيادة و عيانين و كله تمام ..بس لما المرضى بتوعه يلاقوه بيعمل نصائح كدة أونلاين من خلال صفحته بيتابعها ملايين الناس و بتستفيد من النصائح و الناس بتشكره في التعليقات و في ال
reviews
عن انه عالجهم قبل كدة و انه دكتور ممتاز و محترم و غيره ..بيدي ثقة للعملاء الجدد بتوعه و معظم المتابعين بيبقوا عملاء محتملين ..و ده نفس فكرة الظهور التليفزيوني بس كلنا بقينا عارفين انه بيبقى دافع عشان يطلع 
🙂
أنا مثلا عمري ما بروح لدكتور غير لما أدخل أشوف الناس بتقول عليه ايه في السوشيال ميديا و لو مالقتش حاجة خالص غالبا بشوف دكتور تاني .مع انه ممكن يكون دكتور ممتاز برضه بس مش قادر يوصل ده .
أو عايز يستخدم التواجد أونلاين للدعاية ليه أو لخدمة أو منتج بيقدمها بشكل مباشر .
يعني برضه يعمل دعاية واضحة للخدمات اللي بيقدمها و أسعارها لو دكتور تجميل مثلا .
.
يعني الهدف حاجتين
Online Reputation and Positive word of mouth
Generating leads
———————
و اخدتوا بالكوا من كلمة موهبة دي حتي لما اتكلمنا عن مهن مش حاجات فنية ..لأن قبل ما نكمل المقال ..عشان تقدر تعمل تواجد فعلا بشكل قوي لازم فعليا تكون عندك موهبة في المجال او ميزة قوية في مجالك ..لأنك حتى لو قدرت تبني سمعة من خلال الانترنت بمساعدة المتخصصين أو بمساعدة فلوس الاعلانات فهيجي وقت ال
word of mouth
اللي يا اما هتكون ايجابية و هتخليك تستمر و تبقى أحسن و تقوي صورتك و سمعتك يا هتبقى سلبية و تظهر ان كل اللي كنت بتحاول توصله من خلال تواجدك الاونلاين ما هو الا تضليل غير صحيح و التسويق الشخصي المتميز واللي بيعيش أصلا قايم على فكرة ال
word of mouth , Testimonials & Buzz
شهادة الاخرين اللي اتعاملوا معاك على أرض الواقع
.
يعني لو مثال الدكتور ده عمل شغل اونلاين عالي جدا و رحت انت كشفت عنده بناء على السمعة دي و لقيته مش شاطر و مستغل و غيره… هتدخل تكتب و غيرك يكتب و هتظهر الحقيقة..
عشان كدة قبل ما أنسى… أي حد شايل ال
reviews
من صفحة الفيسبوك بتاعته اقلقوا منه عشان دي الحاجة الوحيدة اللي مش بيقدر يتحكم فيها .
و نفس المثال ده طبقه على أي مهنة او موهبة شخصية ..
طيب أبتدي ازاي في الموضوع ده ..
=================
أولا: اتاكد انك عندك المعلومات و الخبرات و المهارات الكافية في مجالك اللي هتقدم نفسك للناس بيها عشان تقدر تبقى مميز فعلا و ليك تواجد قوي يعني عندك قيمة حقيقة عايز توصلها للناس .
.
ثانيا : تكون عارف أساسيات التسويق و مبادئه و سلوك المستهلك و ازاي احدد العملاء بتوعي او المتابعين و هقدملهم ايه و ازاي اعمل لنفسي صورة ذهنية جيدة في دماغ العميل أو المتابع . لازم أكون عارف المصطلحات دي كويس و فاهمها و عارف اطبقها
Marketing, Segmentation, Targeting ,Positioning , Branding & Consumer Behavior .
.
ثالثا : يكون عندي مهارة التواصل مع الناس و المتابعين و مهارة سرد المعلومة و توصيلها بشكل سهل و ربط كل ده بالمجال بتاعي باختصار قادر على توصيل القيمة اللي عندك .
.
رابعا :المام بسيط بمنصات السوشيال ميديا المختلفة في المقدمة طبعا
الفيسبوك و لينكدان و تويتر و انستجرام و اليوتيوب و مؤخرا بنترست و سناب شات و ممكن تحتاج موقع بسيط خاص بيك كمان .اختيارك هيتحدد بناء على طبيعة المجال و الفئة المستهدفة .
و المام بأساليب الاعلان المدفوع على الأقل في فيسبوك و فيزا للدفع اونلاين بحد اقصى جيد .
.
خامسا :ان أولا دي لازم تكون موجودة و لو لسة مش متاكد خد وقتك الاول في تطوير نفسك لان ده الأساس اللي هيتبني عليه كل اللي بعد كدة ولو بدأت ضعيف هتفضل صورتك كدة في ذهن الناس حتى لو تطورت مع الوقت .
أما ثانيا و ثالثا و رابعا دي فبراحتك بقى عايز تطور نفسك فيهم و بالترتيب المكتوب كدة سواء بالقراءة الكتير في كل مجال زي اللي بنعمله في المقالات كدة ..او لو مستعجل كورسات تختصر الوقت …أو في النهاية تستعين بالمختصين في المجال يساعدوك ماشي .
طيب أكيد مش هاسيبكوا هنا 🙂 خلاص عندي المهارات و اتعلمت أساسيات التسويق و كل ده و عايز أبدأ…. أعمل ايه
.
هنشتغل كأننا بنعمل خطة تسويقية لمنتج عادي خالص
Online Personal Branding Plan
.
اول خطوة التحليل
● Analysis
تقعد كدة تعمل لنفسك تحليل نقاط قوتك فين و نقط ضعفك فين في المجال عموما و في مهاراتك التسويقية ..و تدرس المجال بتاعك و المنافسين و بيعملوا ايه و بيقدموا ايه و هبقى وسطهم شكلي ايه و هاخد وقت قد ايه و ايه القنوات التسويقية اللي شغالين عليها و ايه أفضل المنصات اللي هتدي تاثير في المجال بتاعي و تحليل كل منصة …كل التفاصيل دي
.
بعديها بحط لنفسي هدف محدد
● Smart Objective
أنا عايز ايه من التواجد اونلاين و التسويق لنفسي ….هدفي سمعة و متابعين و خلاص طب عدد قد ايه …لا عايز أزرع فكرة جديدة و أنشرها و أبقى متميز ,,,عايز أبقى المصدر الأول في المجال و متميز فيه و رائد لا هفضل أعمل شير لحاجات الناس التانية و خلاص ,,
و ياريت لو تحط وقت كمان لتحقيق الهدف ده
هندخل بقى في الاستراتيجيات المستخدمة في المحتوى اللي هقدمه
● Content Strategies
أول حاجة لازم نفهم ان مفهوم التسويق ببساطة قائم على تبادل القيمة بين المسوق و العميل بما يحقق ربح للطرفين
Exchanging value
win win situation
يعني في النهاية لازم تواجدك اونلاين في صورة صفحة فيسبوك او قناة يوتيوب أو أي حاجة يقدم قيمة للمتابع قصاد انه بيخدمك انه بيتابعك و بيعملك تعليقات برأيه سواء سلبي و ايجايبي و بيساعدك على نشر أفكارك ..فهو يفضل مبسوط انك بتفيده و انت مبسوط انه مبسوط بشغلك و بينشره ..
دي الاستراتيجية العامة للمحتوى
لكن بعد ما أحدد الهدف هاشوف الاستراتيجية التفصيلية اللي همشي بيها في المحتوى اللي هأقدمه و هتتحدد على حسب الهدف و المجال و الامكانيات بتاعة الشخص نفسه كموهبة و علم و مهارات في المجال و نوع المحتوى مكتوب و لا مسموع و لا فيديوهات و لا تصميمات و لا خليط من كل ده
نيجي بقى للتفاصيل التكتيكية و التنفيذ
● Tactics & Implementation
1-اول حاجة هحدد القنوات الاونلاين اللي هاشتغل عليها و هابدأ بايه الاول و درجة الاهتمام بكل قناة او منصة على حسب اهميتها للمجال و حسب المنافسة
يعني فيسبوك و لا لينكد ان و لا يوتيوب ..الخ
هنفترض هنا ان احنا هنبدأ
Facebook
طيب أنا هأحتاج ايه
رقم واحد صفحة فيسبوك
Create Facebook Page
طب ليه ما أعملش الكلام ده من أكونت شخصي عادي بس يكون احترافي
Facebook Account
طبعا كل حاجة منهم ليها مزايا و عيوب ,,لكن كبداية نتفق ان الصفحة لا غنى عنها ..و الاكونت الشخصي كمان مميزاته لا يستهان بها 🙂 فاللي هيحدد هو طبيعة المجال و المحتوى و الهدف ,
● طيب ايه المزايا بتاعة صفحة الفيسبوك
-أول و اهم حاجة الاعلانات الممولة ما تنفعش غير عليها بمزاياها العديدة المبدعة بصراحة و هنتكلم عليها بالتفصيل في أجزاء تانية .
-تقدر تعمل استهداف دقيق جدا للفئة المستهدفة بتاعتك جغرافيا و ديموغرافيا و بالاهتمامات لأقصى الحدود .
-تقدر تطلع تحليل للمتابعين بتوعك بشكل مفصل جدا و ده بيساعد بشكل كبير جدا في التطوير ,.
.
العيوب
===
-اولها انك ماينفعش تعمل تعليقات على صفحات أو اكونتات شخصية باسم الصفحة بسهولة و في بعض الحالات مبينفعش خالص .
-ثانيا ان الفيسبوك بيقلل وصول البوستات بتاعتك مهما كان عدد اللايكات كتير على الصفحة بتوصل لحوالي 1% منهم كبداية و مع التفاعل مع البوست بتزيد عشان يحفزك تعمل اعلان ممول .
● طيب ليه بقى أعمل أكونت شخصي او ليه ناس كتير شغالة بيه فقط .
– اول حاجة ال
Reach
بتاعه اعلى بكتير فالتفاعل بيكون أكتر .
-بيدي
credibility
اكتر لانك بتحس انك بتتعامل مع الشخص مباشرة و كمان بتبقى عارف ان المتابعين نتيجة عن محتوى جيد مش اعلانات و سهولة اكتر في
التفاعل في الرسائل و التعليقات .
العيوب
====
– الاستهداف مفيش غير بالمحتوى …و الشكل العام مش بيبقى احترافي أوي .
مفيش امكانية للاعلانات و لا لتحليل المتابعين
– عدد الاصدقاء محدود بعدد 5000 و الباقي بيبقى متابعين فقط ..و الفيسبوك مانع استخدام الاكونت الشخصي تجاريا باي شكل ففي أي لحظة ممكن بغير الاكونتات دي لصفحات .
.
● و عشان كدة انا مثلا حاولت اجمع بين الاتنين بس مش بغرض الاستفادة من مزاياهم و خلاص لأ خليت الصفحة تركيزها الأساسي على المعلومات و البوستات الخاصة بالماركتنج عموما لكل المهتمين في حين الاكونت الشخصي الاحترافي خاص بالاراء و الكتابات الشخصية أكتر للي حابب يتابعني و يتواصل معايا أكتر .
ازاي تعمل صفحة بقى و الاعلانات و كل ده بالتفصيل جرب اعمل سيرش على جوجل و لا على يوتيوب و هتلاقي ناس مشكورة شارحة كل ده خطوة بخطوة و الفيسبوك نفسه شارح نفسه بصراحة و هنتكلم عنه برضه قريبا.
2- المحتوى نفسه
Content
أعمل محتوى شكله ايه و انواعه ايه و ايه الأفضل
ده هيبقى اول حاجة نبدا بيها الجزء التاني من المقال اللي شكله هيبقى 10 اجزاء بالشكل ده 🙂
[/arabic-font]
محتاجه باقي اجزاء المقال
قريبا جدا ان شاء الله باقي أجزاء المقال