Burger King vs. McDonald’s | امتى تطلب من العميل يروح للمنافس
امتى تطلب من العميل يروح للمنافس بتاعك ؟
المفروض ما تعملش كدة أبداً، بس الحقيقية ده حصل في الأرجنتين، يوم 10 نوفمبر و هو ال McHappy Day و فيه ماكدونالدز بتتبرع بكل مبيعات ساندوتش بيج ماك لأطفال السرطان كنوع من أنواع المسئولية المجتمعية للشركة CSR .
في اليوم ده برجر كينج الغريم التقليدي لماكدونالدز عمل حاجة مختلفة جدا و مثيرة للجدل و للإعجاب في نفس الوقت، عمل No whooper Day أعطى أوامر ل 107 فرع في الأرجنتين إن أي عميل يطلب ساندوتش الوابر whooper يرفضوا الطلب و يوجهوه لأقرب فرع ماكدونالدز عشان يطلب بيج ماك بدلا منه.
طبعا عملاء برجر كينج كانوا بيستغربوا جدا في البداية و بيكونوا مش مصدقين و لكن بعد لما يفهموا الموضوع بيعجبوا جدا بموقف برجر كينج.
نتائج الحملة كانت مبهرة في حجم التبرع كان تاريخي والمبيعات أعلى من السنة السابقة بأكثر من 73 ألف ساندوتش.
الممتع في الفكرة دي ان موظفي برجر كينج لم يلفظوا اسم ماكدونالدز أو بيج ماك على لسانهم نهائيا و الأجمل انهم برضوا كانوا بيتهكموا على بيج ماك فكانوا بيقولوا للعملاء :
ممكن تروحوا أقرب فرع للمنافس بتاعنا اللي بيبيع برجر برضه، و الناس لما بتستفسر أكثر يقصدوا ايه بيردوا يقولوا : عند المكان اللي مش بيكون البرجر فيه مشوي على اللهب where they don’t flame grill their burgers
و عن نتائج الحملة بالنسبة لبرجر كينج قال مسئولي التسويق ان الحملة حققت انتشار و تجاوب كبير اونلاين و أصبحت Viral ووصلت لملايين المشاهدات.
بالإضافة لآلاف من ال Earned Media من المشاركات و الأخبار و التعليقات من المتابعين ووسائل الإعلام.
لكن طبعا كان في بعض المتعصبين لبرجر كينج اللي رفضوا الفكرة و اعتبروها سخيفة .
الغريب في الموضوع ان برجر كينج لم تتلق أي تقدير أو شكر رسمي من ماكدونالدز و الأمر لم يتعد بعض المكالمات الغير رسمية من مديري بعض فروع ماكدونالدز لزملائهم، و عند ذهاب الملك The King و هو ال mascot الشخصية و التميمة الخاصة ببرجر كينج لأحد فروع ماكدونالدز لطلب بيج ماك نال التصفيق من موظفي ماكدونالدز.
و ده يرجعنا لطريقة برجر كينج في الدعاية و هي ال competitive Advertising أو بمعنى أدق comparative Advertising و فيها دائما بتخاطب ماكدونالدز و تتهكم عليها في اعلاناتها، و الطريقة دي بتستخدمها شركات كثيرة لأنها بتكون بالأسلوب الكوميدي اللي بيتجاوب معاه الناس بشكل كبير جداً.
و تسويقيا في ناس كثير بتعترض على الأسلوب ده لإنك بتفكر الناس بالمنافس بتاعك دائماً و تحط نفسك في مقارنة مباشرة معاه و بتخسر جمهوره تماما، في حين انك دائما المفروض تركز على ال Brand Relevance و ليس ال Brand Preferance ، و هنتكلم عن الموضوع ده قريباً و ممكن تعرف أكثر عن ال branding من هنا
عشان كدة لو لاحظنا هتلاقي دائما البراند الأقل شهرة و عملاء هو اللي بيستخدم النوع ده و بيهاجم البراند الأكثر شهرة زي :
برجر كينج و ماكدونالدز عالميا
هاواوي مع أبل
أودي مع BMW
كريم سابقا مع أوبر
في السعودية مايسترو بيتزا مع دومينوز بيتزا
في مصر اتصالات مع فودافون (اعلان المارد)
و مؤخرا We مع باقي الشركات(بس اعلان لم ينتشر)
و أحيانا الحرب بتكون متبادلة لما يكون براندين تقريبا في نفس مستوى القوة زي بيبسي و كوكاكولا و مرسيدس و BMW
ايه رأيك في فكرة برجر كينج ؟ و ايه أكثر اعلان فاكره كان بيتكلم عن المنافس؟
