Cultural Dimensions in Marketing
تصرف شعب معين بيبقى متوقّع الى حد كبير نتيجة لدراسات و مؤشرات اجتماعية عديدة .. مثال بسيط كدة للموضوع في حاجة اسمها
Hofsted’s clutural dimensions
اللي بيضم مجموعة من المؤشرات لدراسة شعب معين و توقّع تصرفاته بناء على ثقافته و معتقداته ..و يتم دراسة المؤشرات دي في مجالات كثيرة من ضمنها ال
international or global Marketing
عشان لما تيجي شركة تدخل سوق جديد في بلد جديدة تقدر تفهم بيفكر ازاي و تتعرف على ثقافته و تشوف هتقدر تتأقلم معاه ازاي .
================
و من هذه المؤشرات مؤشر اسمه
Uncertainty Avoidance index (UAI)
ده مؤشر بيقيس مدى تقبل الشعب للغموض و المخاطرة ..
يعني لو في دولة عندها المؤشر ده عالي ده معناه ان الناس في البلد دي مش بتحب الغموض و لا المخاطرة و بالتالي بتحاول تحط قوانين كتير و خطط كثير واضحة لتجنب أي حاجة مش متوقعة و مش بتتقبل اختلاف وجهات النظر بصدر رحب ..و تميل للتدين أكثر يميلوا للوظائف الثابتة بدلا من المشاريع الخاصة ..يميلوا لل formality
أكثر و البيروقراطية ….أمثلة للبلاد دي اليونان و اليابان و تركيا و الدول العربية كلها و يظهر هذا الجانب بشكل واضح في موضوع مثل وصف و استهلاك المضادات الحيوية تجد أعلى مبيعات في الدول العربية و تركيا و باكستان و ذلك بسبب اتجاه الطبيب و كذلك المريض لتجنب المخاطرة من وجهة نظرهم اذا لم يأخذوا المضاد الحيوي حتى في الحالات البسيطة .
(راجع مقال الأوجمنتين) .
اما الدول اللي عندها المؤشر ده منخفض فده معناه ان الدول دي بتحب المخاطرة و
flexible
اكثر و بتحب التجديد و الاختلاف و مش بتحب تحط قوانين كتير و
مش بتخاف من المستقبل أوي .و متقبلة للتغيير ولاختلاف وجهات النظر بشكل عام و حتى في الأفكار الدينية و بتميل للمشاريع الخاصة و لعدم التكلف و عدم البيروقراطية..من ضمن البلاد دي بريطانيا و سنغافورة و السويد مثلا ..
.
طيب الاول مفيش حاجة اسمها اللي عنده المؤشر عالي ده وحش و القليل حلو …ده مجرد وصف بيدل على حاجات معينة مش أكثر ..و مش معنى ان احنا بنقول ان الدولة اللي عندها المؤشر عالي بتحط قوانين كثير ده معناها انها دولة منظمه و كدة ..لأ هي بتحط قوانين كثير لأنها اتعودت على كدة و لأنها فاكرة ان الاستقرار بيجي من كدة و لخوفها من الغموض و المخاطرة لو مش حاطة القوانين دي ..لكن الناس بتتبع القرارات و لا لأ دي حاجة تانية
.
و العكس مش معنى ان دولة المؤشر عندها قليل انها سايبة معندهاش قوانين ..لأ هي بتميل لعدم وضع قوانين كثير مقيدة أوي ..لأنها بتميل للتجربة أكثر و مفيش عندها خوف كبير من المستقبل .
============
المؤشرات دي ليها استخدامات كثيرة ..لما تيجي شركة تدخل سوق جديد في بلد جديدة لازم تدرس المؤشرات دي و تشوف هتأثر عليها ازاي زي ما اتكلمنا …هأعرف الموظفين في البلد دي لو اشتغلوا معايا بيفكروا ازاي و هل هيتأقلموا مع ثقافة الشركة و لا لأ ..
و دولة زي سنغافورة كدة المؤشر فيها قليل تلاقيها مشجعة للاستثمار بشكل كبير و عاملة تسهيلات كبيرة جدا و قوانين قليلة .
=================
و المؤشر ده ليه مدلول سياسي برضه بيوضع في الاعتبار في المناقشات و المحادثات و الاتفاقيات بين الدول أو حتى في الحروب كمان و في المخابرات ..
كمثال للتوضيح ..
هتلاقي بريطانيا اللي هي من الدول اللي المؤشر عندها قليل يعني مش بتخاف من الغموض …الناس عندها عملوا ايه …طلبوا يخرجوا من الاتحاد الأوروبي رغم انها تبان خطوة خطيرة و مش مضمونة بس ده مش فارق معاهم كثير كمجتمع بشكل عام ..
نيجي بقى للدول العربية عموما ..نشوف ثورات الربيع العربي دي مثلا كانت
exception
لأن الطبيعي الرغبة في الاستقرار و الخوف من الغموض و التغيير .. فبعدها كله أصبح يميل للاستقرار و عدم تكرار التجربة حتى لو تكررت نفس الظروف السابقة .و أيضا دول الخليج ..و هذا ليس رأي سياسي ، فقط نحاول أن نستفيد من هذه المؤشرات في دراسة نفسنا و غيرنا ..
===========
الخلاصة يعني للناس اللي بتحاول تفتح أسواق في بلاد جديدة لازم تدرس كل العوامل الاقتصادية و القانونية طبعا للبلد دي ….لكن لازم برضه تدرس الجانب الثقافي و الاجتماعي و المؤشرات الثقافية دي تحديدا عشان ممكن تكون سبب في نجاح مشروع معين في دولة و فشله في دولة أخرى .
الموقع ده ممكن تعرف من عليه مؤشرات كل بلد
https://
