Copywriting Tips – ازاي توفّر من ميزانية إعلاناتك
?ازاي توفّر ٢٥% من ميزانية إعلاناتك؟
✔٣ نصائح مهمة – مجرّبة و مضمونة.
هتوفّر في الميزانية عن طريق إنك هتزوّد التفاعل على المحتوى الخاص بيك و بالتالي هيزيد ظهوره لعدد أكبر من الناس يعني هتزوّد ال Organic Reach .
يعني هتحصل على تفاعل و ظهور اكثر للبراند الخاص بيك بتكلفة أقل.
3 Copywriting Tips
● ايه هي ال ٣ نصائح ؟
•••••••••••••••••••••••••••••
1️⃣
١- لازم تنسّق المحتوى الخاص بيك و تقسمه لأجزاء واضحة أو نقاط لتسهيل قراءته و فهمه.
يكون فيه
عنوان واضح و الموضوع الأساسي يكون مقسم لأجزاء واضحة بعناوين فرعية و إضافة جملة نهاية تحث على فعل معين Call to Action.
الموضوع ده بيفرق جدا، ممكن يكون موضوع مهم و شيق بس كله مرصوص ورا بعضه فلا يشجع القارئ.
لو استخدمت نفس الموضوع و قمت بتقسيمه و تنسيقه ووضع عنوان أساسي و عناوين فرعية و نقاط أساسية هيصبح أكثر جاذبية و تفاعلاً.
•••••••••••••••••••••••••••••
2️⃣
٢-العنوان المستخدم للمحتوى له تأثير السحر
في البداية، قارن بين هذه العناوين :
■معلومات عن تقوية المناعة في الشتاء.
■٥ نصائح هامة لمناعة قوية – ابدأ بتطبيقها الآن !!
■ ٤ ممارسات خاطئة تؤثر على المناعة – احذر منها
.
بالنظر لل ٣ عناوين اللي ممكن نستخدمها لنفس المحتوى :
هنلاقي إن العنوان الثاني أكثر جاذبية لينا عشان نعرف ال ٥ نصائح اللي ممكن نطبقها بسرعة و العنوان الثالث أكثر استفزازا للقراءة لتجنب خطر حتى لو بسيط، في حين أن العنوان الأول عادي جدا و مش محفز.
العنوان عنصر اساسي لأي محتوى و له تكتيكات كثيرة جدا لجذب الانتباه، مثلا :
استخدام الأرقام المحددة و القوائم مثل المثال السابق.
استخدام الكلمات القوية المؤثرة Powerful words: هام – عاجل – لفترة محدودة – مجاني – الآن -رائع – متميز – مضمون – مجرّب
و العنوان و الكلمات دي بتساعد جدا في زيادة نسبة قراءة المحتوى و التفاعل معه .
و الجزء الهام في النقطة دي إن مش معنى إني عرفت الموضوع ده و جرّبته و نجح إني أستخدمه بدون وعي و بدون مناسبة زي ما بنشوف دلوقتي على اليوتيوب تحديدا كل التصريحات أصبحت نارية و كل الحاجات ستدهشك و كل اللقاءات أصبحت مؤثرة و مبكية.
الموضوع ده سلاح ذو حدين لازم قوة العنوان تكون متناسبة مع قوى المحتوى.
•••••••••••••••••••••••••••••
3️⃣
٣- النصيحة الثالثة هي استخدام جملة محفزة للتفاعل أو إتخاذ فعل معين (Call To Action (CTA
من أهم و أفضل النصائح و تأثيرها بيكون سريع وواضح جدا و هي إنك في نهاية أي محتوى إعلاني أو غير إعلاني يجب أن تختمه بطلب واضح لأخذ فعل معين.
■كمثال : اشتري الآن – احجز الآن – استفد بالعرض
أو
■شاركنا برأيك ؟ – ما هي تجربتك ؟ – أو أي سؤال آخر متعلق بالمحتوى.
جملة واحدة ستبهرك بالفارق في التفاعل، و كل منصات السوشيال ميديا حاليا بتستخدم هذه الخاصية في الإعلانات لزيادة التفاعل.
•••••••••••••••••••••••••••••
❗في نصائح و تكتيكات أكثر هنتكلم عليها المرات القادمة، وكلها في سياق ال Copywriting ، بس بتطبيق ال ٣ نصائح السابقة بشكل احترافي بعد تجارب و تدريب أضمن لكم تحسّن في التفاعل و نتائج الإعلانات بنسبة لا تقل عن ٢٥% .
•••••••••••••••••••••••••••••
?شاركنا بأكثر طريقة ساعدتك في الحصول على تفاعل أكثر و توفير أكبر في ميزانيتك الإعلانية.
