fbpx

Niche Market يعني ايه

معظمنا سمع عن مصطلح ال
Niche Market
و معناه السوق المتخصصة ..و هو سوق للمنتجات المتخصصة اللي بيكون ليها عدد عملاء محتملين محدد و صغير .
و العرف السائد ان ال

Niche Market

خاص بالمنتجات المرتفعة السعر جدا زي السيارات الرولزرويس و الساعات الروليكس مثلا ..و اللي بيكون عدد العملاءالليعندهم القدرة الشرائية لشرائها أصلا قليلين و بالتالي بيحتاجوا مجهود خاص في البحث عنهم و تقديم طرق ترويجية و دعائية مناسبة و موجهة ليهم خصيصا و بنسمي الاستراتيجية دي
Focus Strategy
يعني مثلا رولزرويس مش هتروح تعمل اعلان في ملحق السيارات بتاع الأهرام .
===================
لكن في الحقيقة مش شرط ان ال

Niche Market

منتجاته تكون سعرها مرتفع ..زي مثلا سوق معدات الغطس و سوق معدات الفروسية ..بتحتاج استراتيجية تسويقية محددة و موجهة
يعني برضه مش هتلاقي شركة معدات غطس أو تدريب غطس بتعمل دعاية في التليفزيون على ال

MBC

..يروح يعمل حملة مكثقة في دهب أو شرم الشيخ أفضل .
===================
المهم بقى كمان و ده أهم جزء في الموضوع انك ممكن تخلق

Niche Market

بنفسك ..عن طريق انك تشوف احتياجات معينة لفئة من العملاء تكون مش مشبعة بشكل كامل من المنتجات الحالية -ممكن لأن عددهم مش كبير-وتروح انت عامل منتج أو خدمة تشبع الرغبات دي بشكل كويس و مركز كل مجهوداتك عليهم و تكون السّباق و تبعد عن المنافسة .
يعني باختصار تكون سمكة كبيرة في بحيرة صغيرة أحسن ما تبقى سمكة صغيرة و سط سمك كثير في بحيرة كبيرة .
و دي قريبة من فكرة ال

Blue Ocean Strategy.

..(جرّب اعمل search عنها في جوجل)
====================
و الأمثلة للموضوع ده كثير جدا و دلوفتي بسبب تطّور التسويق الالكتروني بكل أشكاله بقى سهل جدا انك تعمل استهداف دقيق –

Precise Targeting

و توصل لل

Niche بتاعك

.
و التسويق الحديث مركز جدا على فكرة التخصص و انه هو مفتاح النجاح و ده أساس فكرة ال
Segmentation , Targeting & Positioning
لكن هنا احنا بنتكلم كمان انك تدوّر باستمرار على أسواق جديدة حتى لو كانت صغيرة و تحاول تستفيد بالتكنولوجيا و التطوّر على قد ما تقدر .
و عموما ال

Niche market

مع الوقت ممكن يكبر و يبقى سوق كبير

.
==================
مثال حلو لفكرة ال

Niche Market

الأبليكيشن الجديد بتاع الركنة و اللي بيخدم منطقة وسط البلد فقط كمان …لما تفكر من بعيد تقول يعني كام واحد ممكن يفكر يطلب حد يركنله عربيته و يدفع رقم مش قليل برضه …لكن أنا أعتقد بشدة ان الموضوع لو اتطبق صح هينجح جدا .
.
مثلا برضه ممكن حد يستغل انتشار موضوع الأكل النباتي

Plant Based Diet

و يعمل مطعم نباتي متخصص في مصر أو في الدول العربية أو حتى برنامج طبخ خاص للنباتيين

.
و كل واحد في مجال شغله أو خبرته أو في حياته هيقابل أفكار كثير زي دي بس ممكن يحس انها مش مجزية لصغر الفئة المستهدفة لكن كل شئ بالدراسة و التنفيذ الصح هينجح ان شاء الله .
================
اخر حاجة بقى عشان نشرح الصورة
كلمة Niche اصلها فرنسي و تنطق (نيش ) و معناها المكان اللائق..و هي نفس النيش اللي بنحط فيه طقم الصيني و طقم الجيلي في البيت ولو فكرت فيها هتلاقي نفس المضمون 🙂
,و في الانجليزي موجودة برضه و نطقها ( نيتش ) فانطقها زي ما تحب بس الأشهر (نيش ) لأنه الأصل ..

Save

Save

One thought on “Niche Market يعني ايه

  • February 20, 2017 at 5:12 am
    Permalink

    الله ينور يا دكتور
    استراتيجية المحيط الازرق طلعت معايا كتاب

    Reply

Leave a Reply

Your email address will not be published. Required fields are marked *