fbpx

McDonald’s Case Study – ماكدونالدز عملاق العقارات

 

ماكدونالدز عملاق العقارات !!
●▬▬▬▬▬▬▬▬▬●
النهاردة هنتكلم سريعا عن ماكدونالدز و أسرار النمو الكبير ليها و هنتفاجئ ببعض المعلومات اللي مش كل الناس عارفاها ..بس هنتكلم عن الموضوع من وجهة نظر تسويقية بعيدا عن تفاصيل الجزء المالي و التتابع الزمني و الكلام ده .
=============
طيب في البداية احنا هنشرح تميز ماكدونالدز من خلال
استراتيجيات النمو – Growth Strategies
معروف ان في الخطة التسويقية بعد جزء التحليل ووضع الهدف بيجي جزء الاستراتيجيات المستخدمة ومنها  استراتيجيات النمو و هي واحدة من 4
1-Market Penetration
اختراق السوق ..باستخدام نفس المنتج و لنفس السوق المستهدف .
2-Market Development .
تطوير السوق ..عن طريق خلق سوق جديدة لنفس المنتج .
3-Product Development.
تطوير المنتج ..عن طريق عمل تعديلات او منتج جديد لنفس السوق المستهدف و نفس المجال
4-Diversification
التنوع ..استخدام منتج جديد في سوق جديدة و مجال جديد .
●▬▬▬▬▬▬▬▬▬●
طيب تعالوا نشوف ماكدونالدز عملت ايه ؟ ؟

طبعا هي استخدمت كل الاستراتيجيات و بشكل مكثف .

▪️في جزء اختراق السوق ..و ده واضح جدا باستخدام الدعاية المكثفة و استخدام كل وسائل الترويج سواء التقليدية او الاونلاين بل و الابداع في الاعلانات و أفكارها و تنفيذها .
.
▪️و في جزء تطوير السوق .. فماكدونالدز بتقوم بفتح اسواق جديدة جغرافيا في كل دول العالم و نجد ليها أكثر من 30 الف فرع عالميا .. و في مصر و الدول العربية بنشوف فروع جديدة بتفتح شهريا .
.
▪️اما تطوير المنتج فانا بعتبرها رائدة في الموضوع ده ..بداية من ابتكار الهابي ميل ..و ازاي كانت من أول المطاعم السريعة استقطبت شريحة الاطفال الكبيرة و غيرت مفهوم ان الاكل السريع للشباب فقط .و يكفي انك تعرف ان ماكدونالدز من أكبر موزعي الالعاب في العالم .
ده غير بقى التطوير المستمر لساندوتشات جديدة سواء برجر او غيره لتحقيق انتشار أكبر ، و ده بجانب تطوير المنتج ليناسب ثقافة المجتمع زي في الهند و عمل برجر نباتي ..
غير طبعا ابتكار الافطار ماك مافن و ماك فلافل و غيرها ..
●▬▬▬▬▬▬▬▬▬●
▪️ نيجي بقى للجزء الأهم و هو ال
Diversification- التنوع
هنجد ان ماكدونالدز دخلت مجالات اخرى منها ليه علاقة مباشرة بعملها الاساسي زي
McCafe
و هي سلسلة كافيهات تقدم المشروبات فقط ..بس مش منتشرة بشكل كبير .
و في مجالات بعيدة شوية زي
McStops
ودي عبارة عن سلسلة فنادق صغيرة Motels .
.

Tamersalah.com

Real Estate business
و الجزء الأهم و هو الاستثمار الضخم في المجال العقاري و ده محور الحديث اليوم .
لأن النشاط العقاري لماكدونالدز قيمته كبيرة جدا و تكاد تكون هي المصدر الأساسي للأرباح .
الفكرة بدأت من ان ماكدونالدز بدأت العمل بنظام الفرانشيز زي ما كلنا عارفين و هي انك بتدي مستثمر اخر حقوق و امتياز استخدام البراند الخاص بيك و الاستفادة بكل ما هو متعلق به من منتجات و نظام عمل و تسويق …الخ
مقابل مبلغ مالي و مصروفات سنوية نسبة من الربح تسمى
Royalty fee – مصاريف حقوق الامتياز
لكن ماكدونالدز طورت الموضوع ده انها مش بس بتاخد حقوق الامتياز للبراند الخاص بيها ..هي كمان بتشتري او بتأجر الأرض و مكان المطعم و تعود لتأجيره للمستفيد من الامتياز بمبلغ أعلى و غالبا ما يكون نسبة من الربح ..
مثال للتوضيح : بحسبة بسيطة تكون تكلفة الايجار الحقيقية على ماكدونالدز 2000 دولار شهريا .. و تقوم بتأجيرها للمستفيد بما يعادل نسبة 10% من المبيعات فيكون المبلغ المحصل ما يعادل 10 الاف دولار شهريا .
مكسب صافي اضافي و في تزايد ..
و الجدير بالذكر ان ال ROI – Return on Investment لماكدونالدز من خلال الإيجارات و النشاط العقاري كبيرة جدا مقارنة بالربح من المطاعم اللي بتديرها مباشرة .

اللي مهتم بالجزء المالي و تفاصيله لو عمل بحث عن الموضوع هيلاقي تفاصيل أكثر بكثير، لكن احنا هنا بنعرض الفكرة من وجهة نظر تسويقية ازاي بيحاول يعدد المجالات و مصادر الدخل بتاعه و مايعتمدش على صناعة واحدة عشان ينمو أكثر و يقلل الRisk .

و نلاحظ ان ال Diversification هو سمة معظم المليارديرات الناجحين في الشرق الأوسط و العالم بتلاقيهم ليهم استثمارات في أكثر من مجال سواء مجالات مرتبطة ببعضها أو مختلفة كلياً .

●▬▬▬▬▬▬▬▬▬●

Marketing Course Dubai

 

 

Marketing Course Cairo

Save

Save

Save

Save

Save

Save

Leave a Reply

Your email address will not be published. Required fields are marked *